Shenchjende Resei, Qytai jáne AQSh basshylary úshjaqty kelissóz bastady

Shenchjende Resei, Qytai jáne AQSh basshylary úshjaqty kelissóz bastady
report.az_ru

Resei prezidenti Vladimir Pýtin, AQSh prezidenti Donald Tramp jáne Qytai tóraǵasy Si Tszinpin ATES sammiti aiasynda úshjaqty kelissóz júrgizip jatyr. Bul – úsh kóshbasshynyń osyndai quramda alǵash ret bas qosýy. Kelissózge bastapqyda bir saǵat ýaqyt bólingen. Bul týraly Kreml habarlady, dep habarlaidy dalanews.kz.

Resei prezidenti Vladimir Pýtin, AQSh prezidenti Donald Tramp jáne Qytai tóraǵasy Si Tszinpin Shenchjen qalasynda úshjaqty kelissózdi bastady.  Kezdesý «Tsilin Shanchjýan» memlekettik rezidentsiiasynda ótip jatyr.

Kremldiń baspasóz hatshysy Dmitrii Peskov kelissózge bir saǵat ýaqyt bólingenin aitqan. Alaida Resei prezidentiniń kómekshisi Iýrii Ýshakov kezdesý josparlanǵan ýaqyttan uzaqqa sozylýy múmkin ekenin joqqa shyǵarmady.

«Kóshbasshylar kelissózdi qansha ýaqyt jalǵastyratynyn ózderi sheshedi. Áńgime qalai órbitinine bailanysty. Eger olar qyzý pikir almasyp otyrsa, hattama qyzmeti de kezdesýdi toqtata almaidy», – dedi ol.

Buǵan deiin, 19 qarashada Vladimir Pýtin Donald Tramppen jeke kezdesý ótkizgen. Ekijaqty kelissóz bir saǵatqa jetpei aiaqtalǵan.

Kreml málimetinshe, kezdesýde taraptardyń eshqaisysy «asa mańyzdy málimdeme» jasamaǵan. Resei prezidentiniń kómekshisi Iýrii Ýshakovtyń aitýynsha, eki el basshysy Ýkrainadaǵy jaǵdaidy retteý joldaryn jáne Resei men AQSh arasyndaǵy ekijaqty qarym-qatynastardy talqylaǵan.

Vladimir Pýtin ATES sammitine qatysý úshin 17 qarashada Shenchjenge barǵan. Sammittiń alǵashqy kúni ol Qytai tóraǵasy Si Tszinpinmen kelissóz júrgizgen. Sondai-aq Donald Tramppen sammit qonaqtaryna arnalǵan saltanatty qabyldaý kezinde kezdesken.