Qazaqstanda jyl basynan beri zeinetaqy men járdemaqy tóleýge 12,26 milliard dollar jumsaldy

Qazaqstanda jyl basynan beri zeinetaqy men járdemaqy tóleýge 12,26 milliard dollar jumsaldy
gov.kz

Qazaqstanda 2026 jyldyń basynan 1 qarashaǵa deiin zeinetaqy men járdemaqy tóleýge respýblikalyq biýdjetten 5,56 trillion teńgeden asa qarajat bólindi. Bul shamamen 12,26 milliard dollarǵa teń, dep habarlaidy dalanews.kz.

Eńbek jáne halyqty áleýmettik qorǵaý ministrliginiń biýdjet qarajaty igerilýi týraly 2026 jylǵy 1 qarashadaǵy málimetine sáikes jyl basynan beri zeinetaqy men járdemaqy tóleýge 5,565 trillion teńge jumsalǵan. Bul - osy maqsatqa qarastyrylǵan qarajattyń 99,99 paiyzy.

Ministrlikke 2026 jylǵa jalpy 6,77 trillion teńge biýdjet qarajaty bólingen. Onyń 1 qarashaǵa deiin 5,603 trillion teńgesi igerilgen. Bul - esepti kezeńge josparlanǵan somanyń 99,96 paiyzy.

Qarajattyń basym bóligi azamattardy áleýmettik qamsyzdandyrýǵa jáne tólemderdi uiymdastyrýǵa baǵyttalǵan. Bul baǵdarlama boiynsha 5,581 trillion teńge igerilgen.

Al zeinetaqy men járdemaqy tóleýge 16,39 milliard teńge jumsalǵan. Bul - osy baǵytqa josparlanǵan qarajattyń 88,96 paiyzy.

Budan bólek, áleýmettik qamsyzdandyrý nysandaryn salý jáne qaita jańartý úshin óńirlerge 9,65 milliard teńge kóleminde nysanaly transfert berilgen.