Freedom usynǵan DNK testter qazaqstandyqtarǵa qoljetimdi boldy

Freedom usynǵan DNK testter qazaqstandyqtarǵa qoljetimdi boldy

Qazaqstandyqtar DNQ testi arqyly buryn belgisiz bolǵan týystaryn taba alady. Freedom genetikalyq testileý múmkindigin keńeitip, zertteý nátijelerin jasandy intellekt kómegimen túsindirýdi josparlap otyr. Bul týraly Freedom Talk MedTech is-sharasynda aityldy, dep habarlaidy dalanews.kz.

Freedom holding genetikalyq testileý múmkindikterin keńeitip, nátijelerdi jasandy intellekt kómegimen túsindirýdi josparlap otyr.

Freedom Lifestyle Group bas direktory Aleksei Lidiń aitýynsha, DNQ arqyly týystyq bailanysty anyqtaý tehnologiiasy Batys elderinde burynnan qoldanylyp keledi. Onyń tiimdiligi genetikalyq testileýden ótken adamdardyń sanyna tikelei bailanysty.

«Bul – óte qyzyqty protsess. Mundai tásildi alǵash bolyp biz qoldanyp otyrǵan joqpyz. Ol áýeli Batys elderinde paida boldy. Adam DNQ testin tapsyrady. Zertteýden ótken adamdardyń sany neǵurlym kóp bolsa, buryn belgisiz bolǵan týystaryn tabý yqtimaldyǵy soǵurlym artady. Genomnyń belgili bir bólikterin salystyrý arqyly úshinshi-besinshi dárejeli týystyq bailanysty joǵary yqtimaldyqpen anyqtaýǵa bolady», – dedi Aleksei Li.

Onyń sózinshe, Freedom servisteri arqyly DNQ testin tapsyratyn qazaqstandyqtardyń sany artqan saiyn, týystyq bailanystardy anyqtaý múmkindigi de keńeie túsedi.

DNQ testi adam týraly taǵy qandai málimetter beredi?

Is-shara barysynda genetikalyq testileýdiń ózge de múmkindikteri tanystyryldy. Atap aitqanda, onyń kómegimen adamnyń etnikalyq shyǵý tegin, aǵzasynyń jeke erekshelikterin, tamaqtaný men dene belsendiligine qatysty beiimdiligin, sondai-aq keibir sozylmaly aýrýlarǵa genetikalyq beiimdiligin zertteýge bolady.

Spikerlerdiń málimetinshe, qazirgi tańda júiede 46 genetikalyq profil qarastyrylǵan. Al halyqaralyq tájiribede qoldanylatyn keibir DNQ testilerinde mundai profilderdiń sany 500-ge deiin jetedi.

Talqylaý barysynda qatysýshylardyń biri Viacheslav Kim óziniń genetikalyq testileýden ótken tájiribesimen bólisti. Onyń aitýynsha, ózin júz paiyz korei ultynyń ókili dep sanaǵanymen, zertteý nátijesinde japon jáne qytai tekterimen de genetikalyq bailanysy bar ekeni anyqtalǵan.

«Men de test tapsyrdym. Ózimdi júz paiyz koreimin dep oilaitynmyn. Biraq nátijesinde japon jáne qytai qany da bar ekeni belgili boldy. Munyń máni – adamnyń ózi týraly kóbirek bilýinde», – dedi Freedom Bank basqarýshy direktory.

Spikerdiń pikirinshe, genetikalyq testileý adamnyń ómir saltyn durys qalyptastyrýyna da kómektesedi. Máselen, aǵzanyń qandai taǵamdarǵa beiim ekenin, fizikalyq belsendiliktiń qai túri qolaily ekenin jáne qandai da bir aýrýlarǵa genetikalyq beiimdilik bar-joǵyn aldyn ala túsinýge múmkindik beredi.

Sonymen qatar ol DNQ testiniń meditsinalyq diagnoz qoimaitynyn, tek adamnyń jeke erekshelikterin tanýǵa arnalǵan qural ekenin atap ótti.

«Bul – diagnoz emes. Tek ózińdi tereńirek tanýǵa kómektesetin múmkindik. DNQ testi uzaq ómir súrýmen jáne ómir saltyn durys qalyptastyrýmen bailanysty. Bizdiń maqsatymyz – adam aýyryp qalǵan kezde ǵana emes, onyń densaýlyǵyn aldyn ala kútýge de kómektesý», – dedi is-sharaǵa qatysýshy.

Genetikalyq derekterdi jasandy intellekt túsindiredi

Freedom ókilderi genetikalyq testileý nátijelerin túsindirý úshin jasandy intellekt tehnologiiasyn engizý jospary bar ekenin de habarlady.

Spikerlerdiń aitýynsha, genetikalyq zertteýde kórsetkishter sanymen qatar, alynǵan nátijelerdi qarapaiym ári túsinikti tilde usyný da mańyzdy. Óitkeni genetikalyq aqparattyń kólemi úlken bolǵanymen, ony durys túsindire almasa, paidalanýshy úshin praktikalyq paidasy tómen bolýy múmkin.

«Onyń tsifrlyq formatta usynylýy men vizýalizatsiiasy turǵysynan bizdiń júie áldeqaida túsinikti dep senimmen aita alamyn. Aldaǵy ýaqytta jasandy intellekt engizilip, ol osy málimetterdi durys túsinýge kómektesedi», – dedi spiker.

Osylaisha, Freedom genetikalyq testileýdi tek adamnyń shyǵý tegin anyqtaityn qural retinde emes, jeke densaýlyq erekshelikterin túsinýge jáne ómir saltyn sanaly túrde qalyptastyrýǵa kómektesetin tsifrlyq servisterdiń birine ainaldyrýdy kózdep otyr.