Konstitýtsiialyq sot sottyń tiisti sheshiminsiz kúdiktiler men aiyptalýshylardy qamaýda ustaý merzimin uzartýǵa múmkindik beretin Qylmystyq-protsestik kodekstiń normalaryn Konstitýtsiiaǵa qaishy dep tanydy. Sot qamaý merzimin avtomatty túrde uzartýǵa jol berilmeitinin málimdedi, dep habarlaidy dalanews.kz.
Bul másele Konstitýtsiialyq sottyń 2025 jylǵy 18 shildedegi №73-NQ jáne 2026 jylǵy 10 maýsymdaǵy №85-NQ normativtik qaýlylarynda qaralǵan.
Sot ustanymyna sáikes, kúzetpen ustaý merzimin uzartý týraly sheshim buryn belgilengen merzim aiaqtalǵanǵa deiin sot aktisimen rásimdelýge tiis. Bul rette árbir istiń mán-jaiy jeke baǵalanýy qajet.
Konstitýtsiialyq sot qamaýda ustaý merzimin avtomatty túrde uzartýǵa múmkindik beretin zań normalaryn Konstitýtsiiaǵa sáikes emes dep tanyǵan.
Budan bólek, №74-NQ qaýlyda qylmystyq protsestiń ártúrli kezeńderindegi qamaýda ustaý merzimderin ózara úilestirý jáne aiyptalýshynyń is materialdarymen tanysý tártibin naqtylaý qajettigine nazar aýdarylǵan.
Baiandamada bul sheshimder Qylmystyq-protsestik kodeksti keshendi túrde jetildirýdi talap etetini aitylǵan. Ásirese merzimderdi esepteý jáne memlekettik májbúrleý sharalaryn qoldaný kezinde azamattardyń quqyqtyq kepildikterin qamtamasyz etý mańyzdy.