Magnýs Karlsen Bibisara Asaýbaevamen sońǵy partiiaǵa shyqpai, tehnikalyq jeńiliske ushyrady

Magnýs Karlsen Bibisara Asaýbaevamen sońǵy partiiaǵa shyqpai, tehnikalyq jeńiliske ushyrady
fide.com

Shahmattan álemniń burynǵy chempiony Magnýs Karlsen (Norvegiia) Vengriiada ótip jatqan Total Chess World Championship Tour Pilot 2026 sýpertýrniriniń plei-off kezeńinde Bibisara Asaýbaevaǵa (Qazaqstan) qarsy sońǵy partiiaǵa qatysýdan bas tartty, dep habarlaidy dalanews.kz.

Blits pen rapidtegi jeńisterden keiin norvegiialyq shahmatshy 11,5:0,5 esebimen alǵa shyqqan. Osylaisha, ol oiyn kúniniń qorytyndysy boiynsha jeńisin merziminen buryn qamtamasyz etti. Sońǵy partiiada jeńiske 8 upai beriletin edi. Alaida Magnýs Karlsen oiynǵa kelmei, oǵan tehnikalyq jeńilis esepteldi. Sonyń nátijesinde matchtyń qorytyndy esebi 11,5:8,5 boldy.

TV 2 telearnasyna bergen suhbatynda Karlsen sońǵy kezdesýdi «múldem maǵynasyz» dep atap, sol sátte matchtyń taǵdyry sheshilip qoiǵanyn aitty.

Sarapshylardyń pikirinshe, sońǵy partiiada jeńilis nemese teń nátije tirkelgen jaǵdaida Karlsenniń klassikalyq reitingtegi kórsetkishi sońǵy 17 jylda alǵash ret 2800 upaidan tómen túsýi múmkin edi. Alaida tehnikalyq jeńilis onyń reitingtik upailaryna áser etpegen.

Búgin Býdapeshtte shahmatshylar arasyndaǵy ekinshi oiyn kúni ótedi. Bul kezdesýde esep qaitadan nólden bastalady. Bibisara Asaýbaevaǵa jeńis qajet. Eger osyndai nátije tirkelse, týrnirdiń jeńimpazy tai-breiktegi «armageddon» partiiasynda anyqtalady.