Konstitýtsiialyq sot jasandy intellekt sheshimderine shaǵymdaný tetigin engizýdi usyndy

Konstitýtsiialyq sot jasandy intellekt sheshimderine shaǵymdaný tetigin engizýdi usyndy
pixabay.com

Konstitýtsiialyq sot jasandy intellekt kómegimen qabyldanatyn sheshimder úshin jaýapkershilikti naqty bólip, algoritmderdiń ashyqtyǵyn qamtamasyz etýdi usyndy. Eger avtomattandyrylǵan júie adamnyń quqyqtary men zańdy múddelerine áser etse, onyń sheshimin adam baqylap, oǵan shaǵymdaný múmkindigi bolýy kerek, dep habarlaidy dalanews.kz.

Bul talaptar Konstitýtsiialyq sot baiandamasynda jańa Konstitýtsiia jaǵdaiynda zańnamany jetildirýdiń basym baǵyttarynyń biri retinde ataldy.

Sottyń ustanymynsha, zańnama jasandy intellektti qoldanýdyń negizderi men shekterin aiqyndaýy qajet. Sonymen qatar algoritmder arqyly qabyldanǵan sheshimder úshin kim jaýap beretini naqty belgilenip, olardyń nátijesin tekserý múmkindigi qarastyrylýǵa tiis.

«Eger avtomattandyrylǵan júieler adamnyń quqyqtary men zańdy múddelerine áser etse, olardy adam tarapynan naqty baqylaý jáne sheshimderge shaǵym jasaýdyń tiimdi tetigi kózdelýi qajet», – delingen baiandamada.

Konstitýtsiialyq sot tsifrlandyrý men jasandy intellektti qoldaný kezinde azamattardyń quqyqtaryn qorǵaý kepildikteri saqtalýy kerektigin atap ótti.

Baiandamada bul másele jańa Konstitýtsiiany iske asyrý aiasyndaǵy zańnamalyq jańǵyrtýdyń bes basym baǵytynyń biri retinde kórsetilgen.