كونستيتۋتسييالىق سوت جاساندى ينتەللەكت كٶمەگٸمەن قابىلداناتىن شەشٸمدەر ٷشٸن جاۋاپكەرشٸلٸكتٸ ناقتى بٶلٸپ, الگوريتمدەردٸڭ اشىقتىعىن قامتاماسىز ەتۋدٸ ۇسىندى. ەگەر اۆتوماتتاندىرىلعان جٷيە ادامنىڭ قۇقىقتارى مەن زاڭدى مٷددەلەرٸنە ەسەر ەتسە, ونىڭ شەشٸمٸن ادام باقىلاپ, وعان شاعىمدانۋ مٷمكٸندٸگٸ بولۋى كەرەك, دەپ حابارلايدى dalanews.kz.
بۇل تالاپتار كونستيتۋتسييالىق سوت بايانداماسىندا جاڭا كونستيتۋتسييا جاعدايىندا زاڭنامانى جەتٸلدٸرۋدٸڭ باسىم باعىتتارىنىڭ بٸرٸ رەتٸندە اتالدى.
سوتتىڭ ۇستانىمىنشا, زاڭناما جاساندى ينتەللەكتتٸ قولدانۋدىڭ نەگٸزدەرٸ مەن شەكتەرٸن ايقىنداۋى قاجەت. سونىمەن قاتار الگوريتمدەر ارقىلى قابىلدانعان شەشٸمدەر ٷشٸن كٸم جاۋاپ بەرەتٸنٸ ناقتى بەلگٸلەنٸپ, ولاردىڭ نەتيجەسٸن تەكسەرۋ مٷمكٸندٸگٸ قاراستىرىلۋعا تيٸس.
«ەگەر اۆتوماتتاندىرىلعان جٷيەلەر ادامنىڭ قۇقىقتارى مەن زاڭدى مٷددەلەرٸنە ەسەر ەتسە, ولاردى ادام تاراپىنان ناقتى باقىلاۋ جەنە شەشٸمدەرگە شاعىم جاساۋدىڭ تيٸمدٸ تەتٸگٸ كٶزدەلۋٸ قاجەت», – دەلٸنگەن باياندامادا.
كونستيتۋتسييالىق سوت تسيفرلاندىرۋ مەن جاساندى ينتەللەكتتٸ قولدانۋ كەزٸندە ازاماتتاردىڭ قۇقىقتارىن قورعاۋ كەپٸلدٸكتەرٸ ساقتالۋى كەرەكتٸگٸن اتاپ ٶتتٸ.
باياندامادا بۇل مەسەلە جاڭا كونستيتۋتسييانى ٸسكە اسىرۋ اياسىنداعى زاڭنامالىق جاڭعىرتۋدىڭ بەس باسىم باعىتىنىڭ بٸرٸ رەتٸندە كٶرسەتٸلگەن.