زاڭسىز كونتەنت پەن بالاعات سٶز: ونلاين-پلاتفورمالارعا جاڭا تالاپ قويىلادى

زاڭسىز كونتەنت پەن بالاعات سٶز: ونلاين-پلاتفورمالارعا جاڭا تالاپ قويىلادى
pixabay.com

قازاقستاندا زاڭعا قايشى كونتەنت تاراتقان ونلاين-پلاتفورمالارعا ەكٸمشٸلٸك جاۋاپكەرشٸلٸك ەنگٸزۋ ۇسىنىلدى. سونداي-اق ۋەكٸلەتتٸ ورگاننىڭ زاڭسىز ماتەريالداردى جويۋ تۋرالى نۇسقاماسىن ورىنداماعان پلاتفورمالار مەن باق-تا بالاعات سٶز قولدانعاندارعا قاتىستى جاۋاپكەرشٸلٸك قاراستىرىلعان, دەپ حابارلايدى dalanews.kz.

بۇل نورمالار «ەكٸمشٸلٸك قۇقىق بۇزۋشىلىق تۋرالى كودەكسكە ونلاين-پلاتفورمالار جەنە ماسس-مەديا مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى» زاڭ جوباسىندا كٶزدەلگەن.

قۇجات قازاقستان رەسپۋبليكاسى ٷكٸمەتٸنٸڭ 2026 جىلعى 26 ماۋسىمداعى №554 قاۋلىسىمەن قۇرىلتايدىڭ قاراۋىنا ەنگٸزٸلگەن. زاڭ جوباسى پرەزيدەنتتٸڭ دەسترۋكتيۆتٸ كونتەنت تاراتقانى ٷشٸن ونلاين-پلاتفورمالاردىڭ جاۋاپكەرشٸلٸگٸن زاڭنامالىق تۇرعىدا بەكٸتۋ جٶنٸندەگٸ تاپسىرماسىن ورىنداۋ ماقساتىندا ەزٸرلەنگەن.

جوبا اياسىندا ونلاين-پلاتفورمالاردىڭ زاڭعا قايشى كونتەنت تاراتقانى ٷشٸن ەكٸمشٸلٸك جاۋاپكەرشٸلٸگٸن بەلگٸلەۋ ۇسىنىلادى. بۇدان بٶلەك, ۋەكٸلەتتٸ ورگاننىڭ قازاقستان اۋماعىنداعى ونلاين-پلاتفورمالاردا قۇقىققا قايشى كونتەنتتٸ جويۋ جٶنٸندەگٸ نۇسقامالارىن پلاتفورما ٶكٸلدٸگٸ ورىنداماعان جاعدايدا دا جاۋاپكەرشٸلٸك ەنگٸزۋ كٶزدەلگەن.

سونداي-اق بۇقارالىق اقپارات قۇرالدارى مەن ونلاين-پلاتفورمالاردا بالاعات سٶز قولدانعانى ٷشٸن ەكٸمشٸلٸك جاۋاپكەرشٸلٸك قاراستىرىلعان. قۇجاتتا ماسس-مەديا جەنە ونلاين-پلاتفورمالار سالاسىنداعى قولدانىستاعى زاڭنامانى ٶزارا سەيكەستەندٸرۋ مەسەلەسٸ دە قامتىلعان.

زاڭ جوباسى بويىنشا قۇرىلتايدىڭ بارلىق كوميتەتٸ وڭ قورىتىندى بەرگەن. كوميتەتتٸڭ جەتٸ جۇمىس توبى مەن كەڭەيتٸلگەن وتىرىسى ٶتكٸزٸلگەن.

كوميتەت زاڭ جوباسىن بٸرٸنشٸ وقىلىمدا ماقۇلداپ, قۇرىلتاي وتىرىسىنىڭ قاراۋىنا ەنگٸزۋدٸ ۇسىندى.