5 مىڭنان استام جازىلۋشىسى بار بلوگەرلەر ارنايى تٸزٸلٸمگە ەنگٸزٸلمەك

5 مىڭنان استام جازىلۋشىسى بار بلوگەرلەر ارنايى تٸزٸلٸمگە ەنگٸزٸلمەك
pixabay.com

قازاقستاندا جەدەل حابار الماسۋ سەرۆيستەرٸن قوسپاعاندا, 16 جاسقا تولماعان بالالاردى ەلەۋمەتتٸك جەلٸلەرگە تٸركەۋگە تىيىم سالۋ ۇسىنىلدى. سونىمەن قاتار 5 مىڭنان استام جازىلۋشىسى بار ونلاين-پلاتفورمالاردى پايدالانۋشىلاردىڭ تٸزٸلٸمٸن جٷرگٸزۋ كٶزدەلگەن, دەپ حابارلايدى dalanews.kz.

بۇل تالاپتار «قازاقستان رەسپۋبليكاسىنىڭ كەيبٸر زاڭنامالىق اكتٸلەرٸنە ونلاين-پلاتفورمالار جەنە ماسس-مەديا مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى» زاڭ جوباسىندا قاراستىرىلعان.

قۇجات ٷكٸمەتتٸڭ 2026 جىلعى 26 ماۋسىمداعى №553 قاۋلىسىمەن قۇرىلتايدىڭ قاراۋىنا ەنگٸزٸلگەن. زاڭ جوباسى ونلاين-پلاتفورمالارداعى قۇقىققا قايشى كونتەنت كٶلەمٸن ازايتۋعا جەنە تسيفرلىق ورتاداعى قاتىناستاردى رەتتەۋگە باعىتتالعان.

جوباعا سەيكەس, ونلاين-پلاتفورمالاردىڭ قازاقستانداعى ٶكٸلدٸكتەرٸ زاڭنامادا بەلگٸلەنگەن تەرتٸپپەن مٸندەتتٸ ەسەپتٸك تٸركەۋدەن ٶتۋٸ كەرەك. سونداي-اق زاڭناماعا «اۋديوۆيزۋالدى پلاتفورما» ۇعىمىن ەنگٸزٸپ, ولاردىڭ وپەراتورلارىنىڭ قىزمەت تەرتٸبٸن بەلگٸلەۋ ۇسىنىلادى.

ۋەكٸلەتتٸ ورگانعا 5 مىڭنان استام جازىلۋشىسى بار ونلاين-پلاتفورمالاردى پايدالانۋشىلاردىڭ تٸزٸلٸمٸن جٷرگٸزۋ قۇزىرەتٸن بەرۋ كٶزدەلگەن.

بۇدان بٶلەك, ونلاين-پلاتفورمالاردا بٸلٸم بەرۋ كۋرستارىن نەمەسە بەلگٸلٸ بٸر سالا بويىنشا وقىتۋ ماتەريالدارىن تاراتاتىن پايدالانۋشىلار ٶز بٸلٸكتٸلٸگٸن راستايتىن ديپلومى نە سەرتيفيكاتى تۋرالى مەلٸمەتتٸ كٶرسەتۋگە مٸندەتتەلۋٸ مٷمكٸن.

زاڭ جوباسىندا «وككۋلتتٸك قىزمەتتەر» ۇعىمىن ەنگٸزۋ دە قاراستىرىلعان. بۇل تابيعاتتان تىس, پارانورمالدى نەمەسە عىلىمي تۇرعىدان راستالماعان قابٸلەتتەر تۋرالى مەلٸمدەمەلەرگە نەگٸزدەلگەن قىزمەتتەردٸ قامتيدى. مۇنداي قىزمەتتەر تۋرالى كونتەنتتە ونىڭ ويىن-ساۋىق سيپاتىندا ەكەنٸ جەنە عىلىمي نەمەسە پراكتيكالىق تۇرعىدان راستالماعانى جٶنٸندە ەسكەرتۋ بولۋى تيٸس.

سونداي-اق ينتەرنەت-باسىلىمداردى ەسەپكە قويۋ نەمەسە قايتا تٸركەۋ كەزٸندە قورلاۋ سيپاتىنداعى ەلەمەنتتەرٸ بار دومەندٸك اتاۋلار مەن باق اتاۋلارىن پايدالانۋعا شەكتەۋ ەنگٸزۋ ۇسىنىلعان.

جوبا بويىنشا مەملەكەتتٸك ورگانداردىڭ رەسمي جاۋاپتارىن جارييالاعان كەزدە بۇقارالىق اقپارات قۇرالدارى ولاردى ارنايى تاڭبالاۋى كەرەك. ال ەركٸن قولجەتٸمدٸ تەلە- جەنە راديوارنالار تٸزبەسٸنە ەنگٸزٸلگەن تەلە-راديوارنالارعا تٸزٸمگە قوسىلعان كٷننەن باستاپ 30 كٷن ٸشٸندە حابار تاراتۋ جۇمىسىن ۇيىمداستىرۋ مٸندەتٸ جٷكتەلەدٸ.

قۇرىلتايدىڭ بارلىق كوميتەتٸ زاڭ جوباسىنا وڭ قورىتىندى بەرگەن. جۇمىس توبىنىڭ جەتٸ وتىرىسى جەنە كوميتەتتٸڭ كەڭەيتٸلگەن وتىرىسى ٶتكٸزٸلگەن. كوميتەت قۇجاتتى بٸرٸنشٸ وقىلىمدا ماقۇلداپ, قۇرىلتاي وتىرىسىنىڭ قاراۋىنا ەنگٸزۋدٸ ۇسىندى.