Qazaqstan zeinetaqy júiesiniń álemdik reitinginde AQSh pen Japoniiadan ozyp ketti

Qazaqstan zeinetaqy júiesiniń álemdik reitinginde AQSh pen Japoniiadan ozyp ketti

Qazaqstan zeinetaqy júiesiniń tiimdiligi boiynsha halyqaralyq reitingte AQSh pen Japoniiadan joǵary oryn aldy. Marsh jáne CFA Institute jariialaǵan Global Pension Index 2026 reitinginde elimiz 55 memlekettiń arasynda 29-orynǵa turaqtap, 100 baldyń 64,8-in jinady, dep habarlaidy dalanews.kz.

Qazaqstannyń zeinetaqy júiesi qalai qurylǵan?

Elimizdegi zeinetaqy júiesi birneshe bólikten turady. Oǵan memlekettik bazalyq jáne yntymaqty zeinetaqy, 1998 jyldan beri jumys istep kele jatqan qyzmetkerlerdiń mindetti 10 paiyzdyq jarnalary, erikti jinaqtar jáne jumys berýshilerdiń mindetti zeinetaqy jarnalary kiredi. Jumys berýshilerdiń mindetti zeinetaqy jarnalary 2024 jyldan bastap engizildi. Qoldanystaǵy josparǵa sáikes, olardyń mólsheri 2028 jylǵa qarai 1,5 paiyzdan 5 paiyzǵa deiin kezeń-kezeńimen ulǵaiady.

Qazaqstannyń qandai artyqshylyqtary bar?

Reiting sarapshylary Qazaqstannyń zeinetaqy júiesindegi birqatar artyqshylyqty atap ótken. Olardyń qatarynda kásiptik zeinetaqy baǵdarlamalarymen qamtýdyń joǵary deńgeii, tabysty almastyrý koeffitsientiniń jaqsy kórsetkishi, korporativtik basqarýdyń sapasy jáne salymshylardyń quqyqtaryn qorǵaý bar.

Reitingtegi kórsetkish nege tómendedi?

2025 jyly Qazaqstannyń kórsetkishi 65 baldy quraǵan. Al 2026 jyly bul kórsetkish 64,8 balǵa deiin azdap tómendedi. Reiting avtorlary muny erikti zeinetaqy jarnalaryna qatysty salyqtyq jeńildikterdiń ózgerýimen bailanystyrady. Soǵan qaramastan, Qazaqstan 2026 jylǵy halyqaralyq reitingte 55 eldiń arasynda 29-orynǵa jaiǵasyp, AQSh pen Japoniiadan joǵary kórsetkishke qol jetkizdi.