Qazaqstanda bedeýlikti emdeý kúndizgi statsionar qyzmetteriniń tizimine engizildi

Qazaqstanda bedeýlikti emdeý kúndizgi statsionar qyzmetteriniń tizimine engizildi
JI: Dalanews.kz

Qazaqstanda 24 qarashadan bastap kúndizgi statsionarlarda kórsetiletin meditsinalyq qyzmetter qataryna bedeýlikti emdeýdiń birneshe ádisi qosylady. Olardyń qatarynda jasandy uryqtandyrý, ekstrakorporaldy uryqtandyrý (EKU) jáne embriondy kóshirý bar, dep habarlaidy dalanews.kz.

Sonymen qatar statsionarda bolý tártibine de ózgerister engizildi. Endi ata-analar nemese basqa da jaqyndary bes jasqa deiingi balalarmen birge aýrýhanada bola alady. Sondai-aq dárigerler qosymsha kútim qajet dep tapqan jaǵdaida, jasy úlken balalardyń janynda da týystarynyń birge bolýyna ruqsat etiledi.

Josparly túrde aýrýhanaǵa jatqyzý tártibi de ózgerdi. Endi naýqasty qabyldaityn meditsinalyq uiym kezekti eskere otyryp, emdelýshiniń jatqyzylatyn kúnin belgileidi.

Bul týraly patsientke aldyn ala habarlanady. Eskertý telefon qońyraýy, SMS nemese push-habarlama arqyly jiberiledi.