Ystambul áýejaiyndaǵy baǵyttaǵysh belgilerde Qazaqstan týy paida boldy

Ystambul áýejaiyndaǵy baǵyttaǵysh belgilerde Qazaqstan týy paida boldy
JI: Dalanews.kz

Ystanbul halyqaralyq áýejaiynda Túrki memleketteri uiymyna kiretin elderdiń týlary beinelengen arnaiy baǵyttaǵysh belgiler paida boldy. Olardyń arasynda Qazaqstannyń memlekettik týy da bar. Bul jańalyq túrki memleketteri arasynda azamattardyń jeke kýálikpen saparlaý múmkindigin jeńildetý bastamasymen bailanysty, dep habarlaidy dalanews.kz.

Aqparattyq belgilerde Ázerbaijan, Qazaqstan, Qyrǵyzstan, Ózbekstan, Túrikmenstan, Vengriia jáne Soltústik Kipr Túrik Respýblikasynyń týlary ornalastyrylǵan.

Bul bastama túrki memleketteri arasyndaǵy azamattardyń júrip-turý tártibin jeńildetýdi kózdeidi. Usynylyp otyrǵan kelisim kúshine ense, oǵan qatysýshy elderdiń azamattary sheteldik pasporttyń ornyna ulttyq jeke kýálikpen shekaradan óte alady.

Degenmen áýejaida mundai belgilerdiń paida bolýy atalǵan memleketterdiń azamattary qazirdiń ózinde jeke kýálikpen erkin qatynai alady degendi bildirmeidi.

Ázirge kelisimniń kúshine engeni týraly resmi málimdeme jasalǵan joq. Sondyqtan jańa tártiptiń qashan engiziletini ázirge belgisiz.