قازاقستان زەينەتاقى جٷيەسٸنٸڭ تيٸمدٸلٸگٸ بويىنشا حالىقارالىق رەيتينگتە اقش پەن جاپونييادان جوعارى ورىن الدى. Marsh جەنە CFA Institute جارييالاعان Global Pension Index 2026 رەيتينگٸندە ەلٸمٸز 55 مەملەكەتتٸڭ اراسىندا 29-ورىنعا تۇراقتاپ, 100 بالدىڭ 64,8-ٸن جينادى, دەپ حابارلايدى dalanews.kz.
قازاقستاننىڭ زەينەتاقى جٷيەسٸ قالاي قۇرىلعان?
ەلٸمٸزدەگٸ زەينەتاقى جٷيەسٸ بٸرنەشە بٶلٸكتەن تۇرادى. وعان مەملەكەتتٸك بازالىق جەنە ىنتىماقتى زەينەتاقى, 1998 جىلدان بەرٸ جۇمىس ٸستەپ كەلە جاتقان قىزمەتكەرلەردٸڭ مٸندەتتٸ 10 پايىزدىق جارنالارى, ەرٸكتٸ جيناقتار جەنە جۇمىس بەرۋشٸلەردٸڭ مٸندەتتٸ زەينەتاقى جارنالارى كٸرەدٸ. جۇمىس بەرۋشٸلەردٸڭ مٸندەتتٸ زەينەتاقى جارنالارى 2024 جىلدان باستاپ ەنگٸزٸلدٸ. قولدانىستاعى جوسپارعا سەيكەس, ولاردىڭ مٶلشەرٸ 2028 جىلعا قاراي 1,5 پايىزدان 5 پايىزعا دەيٸن كەزەڭ-كەزەڭٸمەن ۇلعايادى.
قازاقستاننىڭ قانداي ارتىقشىلىقتارى بار?
رەيتينگ ساراپشىلارى قازاقستاننىڭ زەينەتاقى جٷيەسٸندەگٸ بٸرقاتار ارتىقشىلىقتى اتاپ ٶتكەن. ولاردىڭ قاتارىندا كەسٸپتٸك زەينەتاقى باعدارلامالارىمەن قامتۋدىڭ جوعارى دەڭگەيٸ, تابىستى الماستىرۋ كوەففيتسيەنتٸنٸڭ جاقسى كٶرسەتكٸشٸ, كورپوراتيۆتٸك باسقارۋدىڭ ساپاسى جەنە سالىمشىلاردىڭ قۇقىقتارىن قورعاۋ بار.
رەيتينگتەگٸ كٶرسەتكٸش نەگە تٶمەندەدٸ?
2025 جىلى قازاقستاننىڭ كٶرسەتكٸشٸ 65 بالدى قۇراعان. ال 2026 جىلى بۇل كٶرسەتكٸش 64,8 بالعا دەيٸن ازداپ تٶمەندەدٸ. رەيتينگ اۆتورلارى مۇنى ەرٸكتٸ زەينەتاقى جارنالارىنا قاتىستى سالىقتىق جەڭٸلدٸكتەردٸڭ ٶزگەرۋٸمەن بايلانىستىرادى. سوعان قاراماستان, قازاقستان 2026 جىلعى حالىقارالىق رەيتينگتە 55 ەلدٸڭ اراسىندا 29-ورىنعا جايعاسىپ, اقش پەن جاپونييادان جوعارى كٶرسەتكٸشكە قول جەتكٸزدٸ.