داركنەتتە قازاقستان جوعارعى سوتىنا تيەسٸلٸ بولۋى مٷمكٸن 507 ملن جازبادان تۇراتىن اقپارات بازاسى ساتىلىمعا قويىلدى. بەلگٸسٸز ساتۋشى بۇل دەرەكتەر ٷشٸن 50 مىڭ دوللار, ياعني شامامەن 22,2 ملن تەڭگە سۇراپ وتىر, دەپ حابارلايدى dalanews.kz.
كيبەربارلاۋ سالاسىندا جۇمىس ٸستەيتٸن SOCRadar حالىقارالىق كومپانيياسى حابارلاندىرۋدى 16 قاراشادا كٶلەڭكەلٸ ينتەرنەت الاڭدارىنىڭ بٸرٸنەن انىقتاعان. Brose لاقاپ اتىمەن تٸركەلگەن قولدانۋشى 2014-2026 جىلدار ارالىعىنداعى مەلٸمەتتەر قامتىلعان 186 كەستەسٸ بار ەكەنٸن مەلٸمدەگەن.
حابارلاندىرۋداعى سيپاتتاماعا سەيكەس, ساتىلىمعا شىعارىلعان دەرەكتەر بازاسىندا:
• ازاماتتاردىڭ جەكە مەلٸمەتتەرٸ بويىنشا 16,6 ملن جازبا;
• سوت پروتسەستەرٸنە قاتىسۋشىلار تۋرالى 13,3 ملن جازبا;
• كومپانييالار تۋرالى 6,8 ملن جازبا;
• جەكە سەيكەستەندٸرۋ نٶمٸرلەرٸ, تٶلقۇجات دەرەكتەرٸ مەن تٶلەم اقپاراتى;
• سوت قۇجاتتارى;
• قۇپيياسٶزدەردٸڭ حەشتەرٸ, ەكٸمشٸلٸك اككاۋنتتاردىڭ دەرەكتەرٸ مەن سەسسييا توكەندەرٸ بولۋى مٷمكٸن.
دەرەكتەردٸڭ تاراعانى راستالدى ما?
SOCRadar كومپانيياسى ەزٸرگە اتالعان بازانىڭ شىنايىلىعىن راستاعان جوق. مامانداردىڭ تٷسٸندٸرۋٸنشە, داركنەتتە حابارلاندىرۋدىڭ پايدا بولۋى جوعارعى سوتتىڭ اقپاراتتىق جٷيەلەرٸ بۇزىلعانىن نەمەسە ساتۋشىدا شىنىمەن وسىنداي كٶلەمدەگٸ مەلٸمەت بار ەكەنٸن دەلەلدەمەيدٸ.
دەگەنمەن كيبەرقاۋٸپسٸزدٸك ساراپشىلارى دەرەكتەردٸڭ شىنايى ەكەنٸ انىقتالسا, ونىڭ سالدارى ەلەۋلٸ بولۋى مٷمكٸن ەكەنٸن ەسكەرتەدٸ. اتاپ ايتقاندا, ازاماتتاردىڭ جەكە مەلٸمەتتەرٸ ۇرلىققا, قارجىلىق الاياقتىققا پايدالانىلۋى ىقتيمال. ال ەكٸمشٸلٸك اككاۋنتتاردىڭ دەرەكتەرٸ مەن قۇپييا سوت قۇجاتتارىنىڭ جارييا بولۋى اقپاراتتىق جٷيەلەرگە رۇقساتسىز قول جەتكٸزۋ قاۋپٸن ارتتىرادى.