قازاقستاننىڭ اتوم ەنەرگيياسى جٶنٸندەگٸ اگەنتتٸگٸ 2027 جىلى باسشىلىقتى كٶلٸكپەن قامتاماسىز ەتۋگە 60,5 ملن تەڭگە جۇمساۋدى جوسپارلاپ وتىر. مەملەكەتتٸك ساتىپ الۋ اياسىندا ۆەدومستۆو جٷرگٸزۋشٸلەرٸ بار بيزنەس نەمەسە ٶكٸلدٸك ساناتىنداعى التى سەدان جالداماق. ەلەۋەتتٸ جەتكٸزۋشٸلەر ٶتٸنٸمدەرٸن 20 قاراشاعا دەيٸن بەرە الادى, دەپ حابارلايدى dalanews.kz.
تەحنيكالىق ەرەكشەلٸككە سەيكەس, اگەنتتٸككە ۇسىنىلاتىن التى كٶلٸكتٸڭ شىعارىلعان جىلى 2017 جىلدان ەرتە بولماۋى كەرەك. بارلىعى اۆتوماتتى بەرٸلٸس قورابىمەن جەنە تٶرت ەسٸگٸمەن جابدىقتالۋى تيٸس.
الايدا كٶلٸكتەرگە قويىلاتىن تالاپتار بٸردەي ەمەس. بٸر سەداننىڭ مەملەكەتتٸك نٶمٸرٸندە KZ ەرٸپتٸك يندەكسٸ بولۋى جەنە قوزعالتقىش كٶلەمٸ كەمٸندە ٷش ليتر بولۋى قاجەت. قالعان بەس كٶلٸككە QR, UD جەنە IB يندەكستەرٸ قاراستىرىلعان, ال قوزعالتقىش كٶلەمٸ تٶرت ليتردەن اسپاۋى تيٸس.
مەملەكەتتٸك نىساندارعا كەدەرگٸسٸز كٸرۋ
اگەنتتٸك كٶلٸكتەردٸڭ مەملەكەتتٸك عيماراتتارعا ەركٸن كٸرٸپ-شىعۋىنا دا ەرەكشە تالاپ قويعان. اۆتوموبيلدەر اقوردا, ٷكٸمەت ٷيٸ, پارلامەنت, مينيسترلٸكتەر مەن باسقا دا مەملەكەتتٸك مەكەمەلەردٸڭ ورتالىق كٸرەبەرٸستەرٸنە كەدەرگٸسٸز جاقىنداي الۋى كەرەك.
بۇدان بٶلەك, جەتكٸزۋشٸ استانا ەۋەجايىنىڭ جولاۋشىلار تەرمينالىنىڭ بٸرٸنشٸ جەلٸسٸنە, سونداي-اق ۇلتتىق كومپانييالار مەن حولدينگتەردٸڭ عيماراتتارىنا كٸرۋ مٷمكٸندٸگٸن قامتاماسىز ەتۋگە مٸندەتتٸ.
تەحنيكالىق قۇجاتتا جەتكٸزۋشٸ كەلٸسٸمشارتقا قول قويىلعاننان كەيٸن بەس جۇمىس كٷنٸ ٸشٸندە اتالعان اۋماقتارعا تۇراقتى ەرٸ كەدەرگٸسٸز كٸرۋ مٷمكٸندٸگٸن راستايتىن كەپٸلدٸك حات ۇسىنۋى كەرەكتٸگٸ كٶرسەتٸلگەن.
كٶلٸكتەر تەۋلٸك بويى قىزمەت كٶرسەتەدٸ
اگەنتتٸك كٶلٸك قىزمەتٸن تەۋلٸك بويى, سونىڭ ٸشٸندە دەمالىس جەنە مەرەكە كٷندەرٸ پايدالانۋدى جوسپارلاپ وتىر. قاجەت بولعان جاعدايدا اۆتوموبيلدەر قازاقستاننىڭ ٶڭٸرلەرٸنە ٸسساپارعا شىعۋى تيٸس. مۇنداي ساپارعا دايىندالۋ ٷشٸن جەتكٸزۋشٸگە بٸر تەۋلٸك بەرٸلەدٸ.
كٶلٸكتەردٸڭ تەحنيكالىق جەنە سىرتقى جاعدايىنا دا تالاپ قويىلعان. كۋزوۆىندا كٶزگە كٶرٸنەتٸن اقاۋلار بولماۋى, ال سالونىندا تەمەكٸ تٷتٸنٸنٸڭ, جانارمايدىڭ نەمەسە باسقا دا جاعىمسىز يٸستەردٸڭ بولماۋى قاجەت. جٷرگٸزۋشٸلەر ٸسكەرلٸك كيٸم ٷلگٸسٸن ساقتاۋى تيٸس.
اۆتوموبيل بۇزىلعان نەمەسە جول-كٶلٸك وقيعاسىنا ۇشىراعان جاعدايدا جەتكٸزۋشٸ دەل سونداي كٶلٸك نەمەسە بيزنەس-كلاستان تٶمەن ەمەس بالاما ۇسىنۋعا مٸندەتتٸ.
60,5 ملن تەڭگەگە قانداي شىعىندار كٸرەدٸ?
مەملەكەتتٸك ساتىپ الۋدىڭ باستاپقى قۇنى ققس-سىز 60 ملن 548 مىڭ 275 تەڭگە 86 تيىندى قۇرايدى. قىزمەتتەر 2027 جىلدىڭ 1 قاڭتارىنان 31 جەلتوقسانىنا دەيٸن كٶرسەتٸلۋٸ كەرەك.
الايدا بۇل سومانىڭ بارلىعى جەتكٸزۋشٸگە اۆتوماتتى تٷردە تٶلەنبەيدٸ. قۇجاتقا سەيكەس, ەسەپ ايىرىسۋ ناقتى كٶرسەتٸلگەن قىزمەت كٶلەمٸنە, ياعني قىزمەت ۇسىنىلعان كٷندەر سانىنا قاراي جٷرگٸزٸلەدٸ.
بٶلٸنگەن قاراجاتقا جانارماي, تەحنيكالىق قىزمەت كٶرسەتۋ, جٶندەۋ, قوسالقى بٶلشەكتەر, ساقتاندىرۋ جەنە جٷرگٸزۋشٸلەردٸڭ جالاقىسى كٸرەدٸ. سونداي-اق جەتكٸزۋشٸ ولاردىڭ ٷستەمە جۇمىسىن, ٸسساپارلارىن جەنە مەرەكە كٷندەرٸندەگٸ ەڭبەگٸن تٶلەۋٸ تيٸس.
اگەنتتٸك اۆتوموبيلدەردٸڭ جٷرٸسٸن جول پاراقتارى ارقىلى كٷن سايىن باقىلاۋدى كٶزدەپ وتىر. ەگەر كٶلٸك بەلگٸلەنگەن جٷرٸس ليميتٸنە جەتسە, جەتكٸزۋشٸ ايدىڭ سوڭىنا دەيٸن ونى ۇسىنۋدى ۋاقىتشا توقتاتا الادى.