حۋانگ Nvidia-عا قايتا ورالا ما? ترامپ مەلٸمدەمە جاسادى

حۋانگ Nvidia-عا قايتا ورالا ما? ترامپ مەلٸمدەمە جاسادى
اشىق دەرەككٶز.

اقش پرەزيدەنتٸ دونالد ترامپ Nvidia كومپانيياسىنىڭ بۇرىنعى باس ديرەكتورى دجەنسەن حۋانگتىڭ قىزمەتٸنە قايتا ورالۋىنا قارسى ەمەس ەكەنٸن مەلٸمدەدٸ. بۇل مەلٸمدەمە تەحنولوگييالىق الپاۋىتتىڭ باسشىلىعىنداعى ٶزگەرٸستەر مەن حۋانگتى قايتا قىزمەتكە شاقىرۋ ناۋقانى قىزعان تۇستا جاسالدى, دەپ حابارلايدى dalanews.kz.

بۇعان دەيٸن Financial Times باسىلىمى حۋانگتىڭ Nvidia باسشىسى قىزمەتٸنە قايتا ورالۋ مٷمكٸندٸگٸن جاقىن ورتاسىمەن تالقىلاعانىن حابارلاعان. باسىلىم دەرەككٶزدەرٸنٸڭ مەلٸمەتٸنشە, ونىڭ جاقتاستارى كرەمنيي القابىنداعى جەتەكشٸ كەسٸپكەرلەر مەن ينۆەستورلاردى بٸرٸكتٸرٸپ, كومپانييا ديرەكتورلار كەڭەسٸنە ىقپال ەتۋ ٷشٸن ارنايى توپ قۇرىپ جاتىر. ولار اق ٷيدٸڭ دە قولداۋىنا يە بولۋعا نيەتتٸ.

Reuters اگەنتتٸگٸنٸڭ جازۋىنشا, بۇل باستاماعا حۋانگتىڭ ٶزٸ دە قولداۋ بٸلدٸرگەن. سونىمەن قاتار Nvidia باسشىسىنىڭ قايتا ورالۋىن تالاپ ەتكەن ونلاين-پەتيتسيياعا 160 مىڭنان استام ادام قول قويعان. ولاردىڭ اراسىندا Tesla باسشىسى يلون ماسك, Epic Games كومپانيياسىنىڭ جەتەكشٸسٸ تيم سۋيني جەنە تەحنولوگييا سالاسىنىڭ باسقا دا ٶكٸلدەرٸ بار.

حۋانگ 1993 جىلى ٶزٸ قۇرعان Nvidia كومپانيياسىن 33 جىلعا جۋىق باسقاردى. الايدا قاراشا ايىنىڭ 12-سٸندە ول كومپانييانىڭ باس ديرەكتورى, پرەزيدەنتٸ جەنە ديرەكتورلار كەڭەسٸنٸڭ مٷشەسٸ قىزمەتٸنەن كەتتٸ. قازٸر كومپانييانىڭ قارجى ديرەكتورى كولەتت كرەسس ۋاقىتشا باس ديرەكتور مٸندەتٸن اتقارىپ وتىر.

بۇعان دەيٸن ترامپ Nvidia-نىڭ جاڭا باسشىسى رەتٸندە Apple كومپانيياسىنىڭ بۇرىنعى باس ديرەكتورى تيم كۋكتٸ ۇسىنعان ەدٸ. ال اقش قارجى مينيسترٸ سكوتت بەسسەنت كومپانييا باسشىلىعىندا تٷبەگەيلٸ ٶزگەرٸستەر قاجەت ەكەنٸن ايتىپ, قىتايعا چيپ جەتكٸزۋگە قاتىستى ىقتيمال زاڭ بۇزۋشىلىقتاردى تەكسەرۋگە شاقىردى.

حۋانگتىڭ قىزمەتتەن كەتۋٸنە ونىڭ جەكە ٶمٸرٸنە قاتىستى جارييالانىمدار مەن قىتايدىڭ ىقتيمال بارلاۋ قىزمەتٸمەن بايلانىسى بار دەگەن كٷدٸككە ٸلٸنگەن كەسٸپكەر ەيەلمەن قارىم-قاتىناسى تۋرالى اقپارات تٷرتكٸ بولعان. Nvidia ديرەكتورلار كەڭەسٸ بۇل جاعدايعا بايلانىستى تەۋەلسٸز تەكسەرۋ باستاعان. اتالعان دەرەكتەرگە قاتىستى تەرگەۋ مەن تەكسەرۋ جۇمىستارى جالعاسىپ جاتىر.

سونىمەن قاتار كومپانييانىڭ ديرەكتورلار كەڭەسٸ تۇراقتى باس ديرەكتوردى ٸزدەۋ جۇمىسىن جٷرگٸزۋدە. Financial Times دەرەگٸنشە, Nvidia باسشىلىعى ىقتيمال مۇراگەر رەتٸندە Arm كومپانيياسىنىڭ باس ديرەكتورى رەنە حااستىڭ كانديداتۋراسىن دا قاراستىرعان.

وسىلايشا, حۋانگتىڭ Nvidia-عا قايتا ورالۋى ەزٸرگە ناقتى شەشٸلگەن مەسەلە ەمەس. كومپانييانىڭ تٷپكٸلٸكتٸ شەشٸمٸ ديرەكتورلار كەڭەسٸنٸڭ ۇستانىمى مەن جٷرگٸزٸلٸپ جاتقان تەكسەرۋ نەتيجەلەرٸنە بايلانىستى بولادى.