قازاقستاندا 2026 جىلدىڭ العاشقى ون ايىندا ەلەكتر ەنەرگيياسىن ٶندٸرۋ كٶلەمٸ 2,3%-عا ٶسٸپ, 102,4 ملرد كۆت/ساعاتقا جەتتٸ. بۇل تۋرالى مەملەكەت باسشىسى قاسىم-جومارت توقاەۆقا ەنەرگەتيكا مينيسترٸ ەرلان اقكەنجەنوۆ باياندادى, دەپ حابارلايدى dalanews.kz.
كەزدەسۋ بارىسىندا مينيستر وتىن-ەنەرگەتيكا كەشەنٸنٸڭ بيىلعى ون ايداعى نەگٸزگٸ كٶرسەتكٸشتەرٸ, جىلىتۋ ماۋسىمىنىڭ بارىسى جەنە الداعى كەزەڭگە ارنالعان جوسپارلار تۋرالى ەسەپ بەردٸ.
پرەزيدەنتكە ەلٸمٸزدٸڭ بارلىق ٶڭٸرٸندە جىلىتۋ ماۋسىمى قالىپتى ٶتٸپ جاتقانى ايتىلدى.
ەلەكتر ستانتسييالارىن جٶندەۋگە بٶلٸنەتٸن قارجى 384 ملرد تەڭگەگە دەيٸن ۇلعايتىلعان. نەگٸزگٸ جابدىقتار مەن جەلٸلەر جٶندەلٸپ, جىلۋ ەلەكتر ورتالىقتارىنىڭ توزۋ دەڭگەيٸ تٶمەندەگەن. سونىمەن قاتار جاعدايى كٷردەلٸ «قىزىل ايماقتاعى» ستانتسييالار سانى بەسەۋگە دەيٸن قىسقارعان.
ەرلان اقكەنجەنوۆتٸڭ مەلٸمەتٸنشە, مۇناي ٶڭدەۋ كٶلەمٸ 4,7%-عا ٶسكەن. ال جانار-جاعارمايدىڭ جالپى قورى 1,2 ملن تونناعا دەيٸن كٶبەيگەن.
وتاندىق بيتۋم ٶندٸرٸسٸ 1,1 ملن توننانى قۇراپ, ٸشكٸ نارىقتىڭ سۇرانىسىن تولىق قامتاماسىز ەتكەن.
قازٸر شىمكەنت مۇناي ٶڭدەۋ زاۋىتىنىڭ قۋاتىن جىلىنا 12 ملن تونناعا دەيٸن ارتتىرۋ جەنە اتىراۋ وبلىسىندا جاڭا مۇناي-حيمييا كەشەنٸن سالۋ جوبالارى جٷزەگە اسىرىلىپ جاتىر.
جىل سوڭىنا دەيٸن حالىقتى گازبەن قامتاماسىز ەتۋ دەڭگەيٸن 64,5%-عا جەتكٸزۋ جوسپارلانعان. نەتيجەسٸندە 13,2 ملن ازامات تابيعي گازعا قول جەتكٸزەدٸ دەپ كٷتٸلۋدە.
سونداي-اق قاشاعان مەن جاڭاٶزەندە جاڭا گاز ٶڭدەۋ زاۋىتتارىنىڭ قۇرىلىسى جٷرٸپ جاتىر. قاراشىعاناق پەن قاشاعانداعى ەكٸنشٸ گاز ٶڭدەۋ زاۋىتتارىنىڭ جوبالارى بويىنشا EPC-كەلٸسٸمشارتتار جاسالعان.
ەنەرگەتيكا مينيسترلٸگٸ ەلٸمٸزدٸڭ 2035 جىلعا دەيٸنگٸ بٸرىڭعاي ەنەرگەتيكالىق تەڭگەرٸمٸن قايتا قاراۋعا كٸرٸسكەن. بۇل جۇمىستا ەنەرگييانى كٶپ تۇتىناتىن دەرەكتەردٸ ٶڭدەۋ ورتالىقتارى مەن جاساندى ينتەللەكت ينفراقۇرىلىمىنىڭ قاجەتتٸلٸكتەرٸ ەسكەرٸلەدٸ.
گەولوگييالىق بارلاۋدى جانداندىرۋ ماقساتىندا 112 كەن ۋچاسكەسٸ ەلەكتروندى اۋكتسيونعا شىعارىلعان. بۇل - رەكوردتىق كٶرسەتكٸش.
بۇدان بٶلەك, وتىن-ەنەرگەتيكا كەشەنٸ نىساندارىنىڭ تسيفرلىق تەلنۇسقالارىن جەنە 1,2 ملن تۇتىنۋشىعا كٶمٸر جەتكٸزۋ بارىسىن باقىلايتىن بٸرىڭعاي پلاتفورمانى ەنگٸزۋ جۇمىستارى تۋرالى باياندالدى.
كەزدەسۋ سوڭىندا قاسىم-جومارت توقاەۆ حالىقتى ەلەكتر ەنەرگيياسى جەنە جىلۋمەن تولىق قامتاماسىز ەتۋدٸ, جانار-جاعارماي مەن كٶمٸر نارىقتارىنىڭ تۇراقتىلىعىن قاتاڭ باقىلاۋدا ۇستاۋدى تاپسىردى. سونداي-اق مەملەكەت باسشىسى ينۆەستيتسييالىق جوبالاردى ساپالى جٷزەگە اسىرۋ جٶنٸندە بٸرقاتار مٸندەت جٷكتەدٸ.