Toqaev Energetika ministrine jylý men janarmai naryǵyn baqylaýdy tapsyrdy

Toqaev Energetika ministrine jylý men janarmai naryǵyn baqylaýdy tapsyrdy
Aqorda

Qazaqstanda 2026 jyldyń alǵashqy on aiynda elektr energiiasyn óndirý kólemi 2,3%-ǵa ósip, 102,4 mlrd kVt/saǵatqa jetti. Bul týraly Memleket basshysy Qasym-Jomart Toqaevqa Energetika ministri Erlan Aqkenjenov baiandady, dep habarlaidy dalanews.kz.

Kezdesý barysynda ministr otyn-energetika kesheniniń biylǵy on aidaǵy negizgi kórsetkishteri, jylytý maýsymynyń barysy jáne aldaǵy kezeńge arnalǵan josparlar týraly esep berdi.

Prezidentke elimizdiń barlyq óńirinde jylytý maýsymy qalypty ótip jatqany aityldy.

Elektr stantsiialaryn jóndeýge bólinetin qarjy 384 mlrd teńgege deiin ulǵaitylǵan. Negizgi jabdyqtar men jeliler jóndelip, jylý elektr ortalyqtarynyń tozý deńgeii tómendegen. Sonymen qatar jaǵdaiy kúrdeli «qyzyl aimaqtaǵy» stantsiialar sany beseýge deiin qysqarǵan.

Erlan Aqkenjenovtiń málimetinshe, munai óńdeý kólemi 4,7%-ǵa ósken. Al janar-jaǵarmaidyń jalpy qory 1,2 mln tonnaǵa deiin kóbeigen.

Otandyq bitým óndirisi 1,1 mln tonnany qurap, ishki naryqtyń suranysyn tolyq qamtamasyz etken.

Qazir Shymkent munai óńdeý zaýytynyń qýatyn jylyna 12 mln tonnaǵa deiin arttyrý jáne Atyraý oblysynda jańa munai-himiia keshenin salý jobalary júzege asyrylyp jatyr.

Jyl sońyna deiin halyqty gazben qamtamasyz etý deńgeiin 64,5%-ǵa jetkizý josparlanǵan. Nátijesinde 13,2 mln azamat tabiǵi gazǵa qol jetkizedi dep kútilýde.

Sondai-aq Qashaǵan men Jańaózende jańa gaz óńdeý zaýyttarynyń qurylysy júrip jatyr. Qarashyǵanaq pen Qashaǵandaǵy ekinshi gaz óńdeý zaýyttarynyń jobalary boiynsha EPC-kelisimsharttar jasalǵan.

Energetika ministrligi elimizdiń 2035 jylǵa deiingi biryńǵai energetikalyq teńgerimin qaita qaraýǵa kirisken. Bul jumysta energiiany kóp tutynatyn derekterdi óńdeý ortalyqtary men jasandy intellekt infraqurylymynyń qajettilikteri eskeriledi.

Geologiialyq barlaýdy jandandyrý maqsatynda 112 ken ýchaskesi elektrondy aýktsionǵa shyǵarylǵan. Bul - rekordtyq kórsetkish.

Budan bólek, otyn-energetika kesheni nysandarynyń tsifrlyq telnusqalaryn jáne 1,2 mln tutynýshyǵa kómir jetkizý barysyn baqylaityn biryńǵai platformany engizý jumystary týraly baiandaldy.

Kezdesý sońynda Qasym-Jomart Toqaev halyqty elektr energiiasy jáne jylýmen tolyq qamtamasyz etýdi, janar-jaǵarmai men kómir naryqtarynyń turaqtylyǵyn qatań baqylaýda ustaýdy tapsyrdy. Sondai-aq Memleket basshysy investitsiialyq jobalardy sapaly júzege asyrý jóninde birqatar mindet júktedi.