Úsh jylda jańa tsifrlyq quraldar 300 myńnan astam balaǵa kómek kórsetýge múmkindik berdi

Úsh jylda jańa tsifrlyq quraldar 300 myńnan astam balaǵa kómek kórsetýge múmkindik berdi
ashyq derekkóz

Quryltaida ótken Úkimet saǵatynda Quryltai Tóraǵasynyń orynbasary Dinara Zákieva engizilgen tsifrlyq quraldardyń arqasynda úsh jyl ishinde ómirlik qiyn jaǵdaiǵa tap bolǵan nemese quqyqtary buzylǵan 300 myńnan astam bala anyqtalyp, olarǵa kómek kórsetilgenin málimdedi, dep habarlaidy dalanews.kz.

Onyń aitýynsha, búginde Memleket basshysynyń tapsyrmasymen balalardyń quqyqtaryn qamtamasyz etýge, quqyq buzýshylyqtardyń aldyn alýǵa jáne olardyń quqyqtaryn qorǵaýǵa baǵyttalǵan barlyq qajetti zańdar men baǵdarlamalar qabyldanyp, infraqurylym men institýtsionaldyq júie quryldy.

Atap aitqanda, barlyq óńirde balalardyń quqyqtaryn qorǵaý jónindegi basqarmalar men psihologiialyq qoldaý ortalyqtary ashylyp, balalardyń quqyqtaryn qorǵaý organdary qyzmetkerleriniń mártebesi zańnamalyq turǵydan bekitildi. Sonymen qatar 160 otbasyn qoldaý ortalyǵy ashylyp, olardyń jumysyna FSM Social júiesi engizildi. 111 memlekettik bailanys ortalyǵy iske qosyldy. Barlyq mektepte árbir balanyń balalardyń quqyqtaryn qorǵaý qyzmetterine tikelei júginýine múmkindik beretin QR111 júiesi engizildi. Sondai-aq bilim berý uiymdarynda táýekelderdi diagnostikalaýǵa jáne árbir balaǵa kórsetiletin kómekti baqylaýǵa arnalǵan «Balazhan» platformasy engizildi.

Jalpy, qabyldanǵan sharalardyń nátijesinde 2023 jylmen salystyrǵanda balalarǵa qatysty asa aýyr qylmystar sany ártúrli baptar boiynsha azaidy. Jekelegen baptar boiynsha tómendeý kórsetkishi 54%-ǵa jetti.