Qazaqstanda balany týǵannan bastap sáikestendirý júiesi engizilýi múmkin

Qazaqstanda balany týǵannan bastap sáikestendirý júiesi engizilýi múmkin
Foto: JI

Qazaqstanda balanyń jeke basyn dúniege kelgen sátten bastap anyqtaityn júie ázirleý usynyldy. Bul máseleni Quryltaida depýtat Ekaterina Smyshliaeva kóterdi, dep habarlaidy dalanews.kz.

Qazir bala týǵan kezde oǵan JSN berilip, týý týraly kýálik rásimdeledi. Alaida bul qujatta sábidiń fotosýreti bolmaidy. Sondyqtan kýáliktiń naqty sol balaǵa tiesili ekenin birden anyqtaý qiyn. Depýtattyń aitýynsha, bul perzenthanada nárestelerdiń shatasyp nemese aýysyp ketý qaýpin týdyrýy múmkin.

Oqý-aǵartý ministri Juldyz Súleimenova balany 16 jasqa tolǵanǵa deiin fotosýreti nemese biometriialyq derekteri arqyly sáikestendirý múmkindigi qarastyrylyp jatqanyn aitty.

"Bala dúniege kelgennen keiin oǵan JSN beriledi jáne týý týraly kýálik rásimdeledi. Biraq fotosýreti bar jeke kýálikti ol 16 jasqa tolǵanda ǵana alady. Sondyqtan oǵan deiin de balanyń jeke basyn naqty anyqtaityn júie qajet. Qazir bul másele Ádilet ministrligi jáne Ishki ister ministrligimen birlesip qarastyrylyp jatyr", – dedi ministr.