ٷش جىلدا جاڭا تسيفرلىق قۇرالدار 300 مىڭنان استام بالاعا كٶمەك كٶرسەتۋگە مٷمكٸندٸك بەردٸ

ٷش جىلدا جاڭا تسيفرلىق قۇرالدار 300 مىڭنان استام بالاعا كٶمەك كٶرسەتۋگە مٷمكٸندٸك بەردٸ
اشىق دەرەككٶز

قۇرىلتايدا ٶتكەن ٷكٸمەت ساعاتىندا قۇرىلتاي تٶراعاسىنىڭ ورىنباسارى دينارا زەكيەۆا ەنگٸزٸلگەن تسيفرلىق قۇرالداردىڭ ارقاسىندا ٷش جىل ٸشٸندە ٶمٸرلٸك قيىن جاعدايعا تاپ بولعان نەمەسە قۇقىقتارى بۇزىلعان 300 مىڭنان استام بالا انىقتالىپ, ولارعا كٶمەك كٶرسەتٸلگەنٸن مەلٸمدەدٸ, دەپ حابارلايدى dalanews.kz.

ونىڭ ايتۋىنشا, بٷگٸندە مەملەكەت باسشىسىنىڭ تاپسىرماسىمەن بالالاردىڭ قۇقىقتارىن قامتاماسىز ەتۋگە, قۇقىق بۇزۋشىلىقتاردىڭ الدىن الۋعا جەنە ولاردىڭ قۇقىقتارىن قورعاۋعا باعىتتالعان بارلىق قاجەتتٸ زاڭدار مەن باعدارلامالار قابىلدانىپ, ينفراقۇرىلىم مەن ينستيتۋتسيونالدىق جٷيە قۇرىلدى.

اتاپ ايتقاندا, بارلىق ٶڭٸردە بالالاردىڭ قۇقىقتارىن قورعاۋ جٶنٸندەگٸ باسقارمالار مەن پسيحولوگييالىق قولداۋ ورتالىقتارى اشىلىپ, بالالاردىڭ قۇقىقتارىن قورعاۋ ورگاندارى قىزمەتكەرلەرٸنٸڭ مەرتەبەسٸ زاڭنامالىق تۇرعىدان بەكٸتٸلدٸ. سونىمەن قاتار 160 وتباسىن قولداۋ ورتالىعى اشىلىپ, ولاردىڭ جۇمىسىنا FSM Social جٷيەسٸ ەنگٸزٸلدٸ. 111 مەملەكەتتٸك بايلانىس ورتالىعى ٸسكە قوسىلدى. بارلىق مەكتەپتە ەربٸر بالانىڭ بالالاردىڭ قۇقىقتارىن قورعاۋ قىزمەتتەرٸنە تٸكەلەي جٷگٸنۋٸنە مٷمكٸندٸك بەرەتٸن QR111 جٷيەسٸ ەنگٸزٸلدٸ. سونداي-اق بٸلٸم بەرۋ ۇيىمدارىندا تەۋەكەلدەردٸ دياگنوستيكالاۋعا جەنە ەربٸر بالاعا كٶرسەتٸلەتٸن كٶمەكتٸ باقىلاۋعا ارنالعان «Balazhan» پلاتفورماسى ەنگٸزٸلدٸ.

جالپى, قابىلدانعان شارالاردىڭ نەتيجەسٸندە 2023 جىلمەن سالىستىرعاندا بالالارعا قاتىستى اسا اۋىر قىلمىستار سانى ەرتٷرلٸ باپتار بويىنشا ازايدى. جەكەلەگەن باپتار بويىنشا تٶمەندەۋ كٶرسەتكٸشٸ 54%-عا جەتتٸ.