Eýroodaq Tatiana Kimdi "qara tizimge" engizdi

Eýroodaq Tatiana Kimdi "qara tizimge" engizdi
Wildberries

Wildberries marketpleisiniń negizin qalaýshy Tatiana Kim Eýroodaqtyń jańa sanktsiialar tizimine endi, dep habarlaidy dalanews.kz.

Sanktsiialardyń jańa toptamasy jalpy 145 jeke jáne zańdy tulǵaǵa qatysty. Tizimge Sankt-Peterbýrgtegi munai terminaly jáne Reseidiń birqatar kásipkeri de engen. Olardyń arasynda "Iandeks" pen Ozon kompaniialarynyń investory Aleksandr Chachava bar.

Tatiana Kimge qatysty shekteýler marketpleistiń qyzmetine jáne memlekettik sektordaǵy uiymdarmen seriktestigine bailanysty engizilgen.

Sonymen qatar, Eýroodaq qujatynda kompaniia aktsiialarynyń basym bóligi memleketke tiesili ári Eýropanyń sanktsiiasyna ilikken VTB bankimen strategiialyq seriktestik ornatqany aitylǵan.

Wildberries sanktsiialar marketpleistiń jumysyna áser etpeitinin málimdedi. Sebebi kompaniianyń Eýroodaq aýmaǵynda aktivteri joq jáne ol bul naryqta jumys istemeidi.