Chehiiada 15 qarashada úkimettiń qoǵamdyq telearna men radionyń qarjylandyrý júiesin ózgertý josparyna qarsy jappai narazylyq ótti, dep habarlaidy dalanews.kz.
Chehiiadaǵy jaǵdai
Úkimet qoǵamdyq telearna men radiony halyqtan jinalatyn abonenttik tólem esebinen emes, memlekettik biýdjetten qarjylandyrýdy usynǵan.
Al synaityndar mundai ózgeris buqaralyq aqparat quraldarynyń táýelsizdigine qaýip tóndiredi dep esepteidi. Narazylyq bildirýshiler zań jobasyn keri qaitarýdy nemese ony talqylaýǵa sarapshylardy tartýdy talap etti.
Reuters agenttigi málimetinshe, uiymdastyrýshylar aktsiiaǵa shamamen 400 myń adam qatysqanyn málimdegen. Bul eldegi Barqyt revoliýtsiiasynan keiingi eń iri narazylyqtardyń biri bolýy múmkin.
Qazaqstandaǵy zań jobasy
Al Qazaqstanda onlain platformalar men buqaralyq aqparat quraldaryna qatysty jańa talaptar engizilýi múmkin. 13 qarashada Aibek Dádebai tóraǵalyq etken biýro Quryltaidyń aldaǵy otyrysynyń kún tártibine osy máselelerdi qamtityn zań jobasyn engizdi. Qujat destrýktiv kontent taratqany úshin tsifrlyq platformalardyń jaýapkershiligin kúsheitip, balalardy internettegi qaýipten qorǵaýdy kózdeidi.
16 jasqa tolmaǵan balalarǵa messendjerlerden basqa áleýmettik jelilerde tirkelýge tyiym salý, bes myńnan asa oqyrmany bar ashyq qaýymdastyqtardyń ieleri men paidalanýshylaryn arnaiy tizimge engizý usynylmaq. Sondai-aq, BAQ-qa memlekettik organdardyń resmi jaýaptaryn belgileý, adamnyń jeke ómirine qatysty sýretterdi kelisiminsiz paidalanbaý jáne jalǵan aqparatqa sol jariialanǵan akkaýntta teriske shyǵarý talaptary qoiylýy múmkin.
Zań jobasy Quryltaida úsh oqylymda qaralady. Depýtattar maquldaǵan jaǵdaida qujat Prezidenttiń qol qoiýyna jiberiledi.