Qazaqstan kiikteriniń bir bóligin Ózbekstanǵa kóshirý máselesi qarastyrylyp jatyr

Qazaqstan kiikteriniń bir bóligin Ózbekstanǵa kóshirý máselesi qarastyrylyp jatyr

Qazaqstandaǵy kiikterdiń bir bóligin Ózbekstan aýmaǵyna kóshirý máselesi talqylanbaq. Bul týraly eki el arasynda janýarlardy qorǵaý jáne olardyń popýliatsiiasyn saqtaý jónindegi memorandýmǵa qol qoiylǵannan keiin belgili boldy, dep habarlaidy dalanews.kz.

Qujatta kiikterdiń tarihi kóshi-qon joldaryn qalpyna keltirý, brakonerlikpen kúresý, sondai-aq janýarlardyń sany men densaýlyǵyn turaqty baqylaý sharalary qamtylǵan. Sonymen qatar Qazaqstandaǵy kiikterdiń bir bóligin kórshi elge kóshirý múmkindigi de qarastyrylmaq.

Ekologiia jáne tabiǵi resýrstar ministrliginiń málimetinshe, Ózbekstanda kiikter sany aitarlyqtai azaiǵan. Ásirese Aral mańyndaǵy Ústirt popýliatsiiasynyń jaǵdaiy alańdatyp otyr. Qazir bul aýmaqta birneshe júz ǵana kiik qalǵan.

Mamandar janýarlar sanynyń azaiýyna olardyń tabiǵi kóshi-qon baǵyttarynyń buzylýy da áser etkenin aitady. Buryn Ústirt popýliatsiiasyna jatatyn kiikter Qazaqstan men Ózbekstan aýmaǵy arasynda erkin kóship-qonatyn. Alaida shekara boiyndaǵy qorshaýlar men jol infraqurylymy olardyń qozǵalysyn shektegen.

2026 jylǵy kóktemgi sanaq qorytyndysy boiynsha, Qazaqstanda 4 million 689 myń kiik bar. Onyń 119 myńy Ústirt popýliatsiiasyna jatady.

Eki eldiń kelisimi kiikterdiń tabiǵi mekendeý ortasyn saqtaýǵa, popýliatsiialar arasyndaǵy bailanysty qalpyna keltirýge jáne sany azaiǵan janýarlar tobyn kóbeitýge baǵyttalǵan.