Qyrǵyzstanda polietilen paketterdi paidalanýǵa tolyq tyiym salynbaq

Qyrǵyzstanda polietilen paketterdi paidalanýǵa tolyq tyiym salynbaq
Foto: baq.kz

Qyrǵyzstanda 2027 jylǵy 1 qańtardan bastap polietilen paketterdi óndirýge, satýǵa jáne tegin taratýǵa tyiym salynady. Bul týraly el prezidenti Sadyr Japarov Ystyqkól oblysynyń turǵyndarymen kezdesý barysynda málimdedi, dep habarlaidy dalanews.kz.

Kaktus Media basylymynyń málimetinshe, jańa talap eldiń barlyq óńirinde kúshine enedi. Osylaisha, Qyrǵyzstan biligi qorshaǵan ortaǵa ziian keltiretin plastik ónimderdiń ainalymyn shekteýdi kózdep otyr.

Qazir mundai shekteý Ystyqkól oblysynda qoldanylady. Alaida jergilikti kásipkerlerdiń biri tyiymǵa qaramastan, birqatar dúkende polietilen paketter qaita paidalanyla bastaǵanyn aitqan.

Turǵyndarmen kezdesý kezinde Sadyr Japarov bul máseleni nazarǵa alyp, aldaǵy ýaqytta shekteý búkil el aýmaǵynda engiziletinin jetkizdi.

Sonymen qatar Qyrǵyzstan prezidenti polietilen paketterdiń ornyna ekologiialyq taza balama ónimder shyǵaratyn kásipkerlerge qoldaý kórsetýge ýáde berdi.

Josparǵa sáikes, 2027 jyldyń basynan bastap elde polietilen paketterdi óndirýge de, saýda oryndarynda satýǵa nemese tutynýshylarǵa tegin berýge de ruqsat etilmeidi.