Italiianyń derbes derekterdi qorǵaý jónindegi retteýshi organy Meta kompaniiasynyń Facebook qosymshasy Android júiesindegi qoldanýshylardyń jeke fotosýretteri men beinelerine tiisti kelisimsiz qol jetkizgenin anyqtady, dep habarlaidy dalanews.kz.
Tekserý Facebook jelisinde jariialaý úshin telefon galereiasyndaǵy foto men videolardy usynatyn fýnktsiiaǵa qatysty júrgizilgen. Belgili bolǵandai, bul múmkindik qoldanýshylardyń kelisiminsiz ádepkide qosylyp turǵan. Buǵan qosa, galereiaǵa qol jetkizýge ruqsat birneshe fýnktsiia úshin birden suralǵan.
Osy zańbuzýshylyqqa bailanysty retteýshi organ Meta kompaniiasynyń Irlandiiadaǵy bólimshesine 805 mln eýro kóleminde aiyppul saldy.
Sonymen qatar kompaniiaǵa 60 kún ishinde atalǵan fýnktsiiany ádepkide óshirý jáne ony iske qosý úshin ár qoldanýshydan jeke kelisim alý mindetteldi.
Aita keteiik, salynǵan aiyppul Meta kompaniialar tobynyń álemdik jyldyq ainalymynyń shamamen 0,47 paiyzyna teń.