Qyrǵyzstanda 2027 jylǵy prezident sailaýyna qatysýǵa niet bildirgen azamattardyń sany 11-ge jetti. Olardyń qatarynda qazirgi memleket basshysy Sadyr Japarov, burynǵy depýtattar, kásipkerler jáne memlekettik qyzmette bolǵan tulǵalar bar, dep habarlaidy dalanews.kz.
Qyrǵyzstannyń Ortalyq sailaý komissiiasy 13 qarashada prezidenttikke kandidattardy usyný kezeńi aiaqtalǵanyn habarlady.
Aldyn ala málimetke sáikes, memleket basshysy laýazymyna úmitker retinde 11 adam qujat tapsyrǵan. Alaida olardyń barlyǵy ázirge resmi kandidat retinde tirkelgen joq.
Endi prezident sailaýyna qatysýǵa nietti azamattar sailaýshylardyń qolyn jinap, tiisti qujattaryn tapsyrýy tiis.
Qyrǵyzstannyń sailaý zańnamasyna sáikes, árbir úmitker keminde 30 myń sailaýshynyń qoldaýyn jinaýy qajet.
Elektrondyq qoltańba jinaý naýqany 2026 jylǵy 7 jeltoqsanǵa deiin jalǵasady. Al kandidattardy tirkeýge qajetti qujattar 13 jeltoqsanǵa deiin qabyldanady.
Ortalyq sailaý komissiiasy kandidattardy tirkeýdi 23 jeltoqsanǵa deiin aiaqtaýdy josparlap otyr.
Qyrǵyzstan prezidenttigine kimder úmitker?
Prezident sailaýyna qatysýǵa niet bildirgen 11 azamattyń arasynda saiasatta burynnan júrgen tulǵalar da, kásipkerlik salasynyń ókilderi de bar.
Aimen Kasenov – kásipker jáne qoǵam qairatkeri. Buǵan deiin de Qyrǵyzstan prezidenti bolýǵa talpynys jasaǵan.
Azamat Esenbekov – ekonomist, qarjy salasynda eńbek etken jáne jergilikti basqarý júiesinde qyzmet atqarǵan burynǵy ákim.
Syimyk Japykeev – sybailas jemqorlyqqa qarsy málimdemelerimen tanylǵan saiasatker. Ol «Choń Kazat» qozǵalysy arqyly kópshilikke belgili boldy. Buǵan deiin Qyrǵyzstannyń Qarjy politsiiasyn basqarǵan.
Akai Kydyrov – kásipker. Japoniiada jumys tájiribesi bar. Prezidenttikke úmitkerler arasyndaǵy eń jas qatysýshy retinde atalyp otyr.
Ishak Masaliev – Qyrǵyzstan saiasatyndaǵy tájiribeli tulǵalardyń biri. Ol buǵan deiin Jogorký Keneshtiń, iaǵni el parlamentiniń depýtaty bolǵan.
Sadyr Japarov – Qyrǵyzstannyń qazirgi prezidenti. Ol memleket basshysy qyzmetin jalǵastyrý úshin aldaǵy prezident sailaýyna qatysýǵa niet bildirgen.
Baktybek Kalmamatov – Jogorký Keneshtiń burynǵy depýtaty. Buǵan deiin de prezident sailaýyna qatysqan.
Bakytbek Adylov – burynǵy qala basshysy jáne Qyrǵyzstannyń Memlekettik kóshi-qon qyzmetin basqarǵan sheneýnik.
Amýr Aiba Meder – kásipker. Ashyq derekkózderde onyń kásipkerlik qyzmetpen ainalysatyny kórsetilgen. Ázirge saiasi baǵdarlamasy men qyzmetine qatysty aqparat shekteýli.
Mambetjýnýs Abylov – Qyrǵyzstannyń Ortalyq sailaý komissiiasyn buryn basqarǵan saiasatker. Sondai-aq eldiń Tótenshe jaǵdailar ministrligine jetekshilik etken.
Klara Sooronkýlova – Qyrǵyzstan Konstitýtsiialyq palatasynyń burynǵy sýdiasy. Ol qazirgi úmitkerler tizimindegi jalǵyz áiel.
