Eýropa elderinde turmystyq tehnikalarǵa jasalatyn kibershabýyl qaýpi artýy múmkin. Buǵan deiin birneshe eldegi sýpermarketterdiń tońazytqyshtaryna jasalǵan shabýyldardan keiin hakerlerdiń kelesi nysanasy úidegi qurylǵylar bolýy yqtimal. Bul týraly Eýropalyq odaqtyń Kiberqaýipsizdik jónindegi agenttiginiń (ENISA) basshysy Iýhan Lepassar málimdedi, dep habarlaidy dalanews.kz.
Onyń aitýynsha, kibershabýyl jasaýshylar endi roýterler men basqa da turmystyq tehnikalardy nysanaǵa alýy múmkin.
«Búgin tońazytqyshtar bolsa, erteń roýterler, arǵy kúni turmystyq qurylǵylar jáne basqa da tehnika shabýylǵa ushyraýy múmkin», – dedi Iýhan Lepassar.
Onyń sózinshe, adamdar kúndelikti paidalanatyn kez kelgen qyzmettiń tsifrlyq quramdas bóligi bar. Al bul júieler hakerlik shabýylǵa osal bolýy múmkin. Sonymen qatar jasandy intellekt kibershabýyl jasaýshylardyń da, olarǵa qarsy qorǵanatyn kompaniialardyń da múmkindigin keńeitip otyr. Atap aitqanda, AI tehnologiialary júielerdegi osal tustardy anyqtaý úderisin jyldamdatady.
ENISA ókilderi kiberqaýipsizdik salasyndaǵy taǵy bir ózekti máseleni atap ótti. Agenttik málimetinshe, ártúrli saladaǵy uiymdar bilikti mamandardy jumysqa tartý jáne olardy qyzmette ustap qalý kezinde qiyndyqtarǵa tap bolyp otyr.
Osyǵan bailanysty agenttik Eýropalyq odaq memleketterin kiberqaýipsizdik baǵdarlamalaryn keńeitip, salany damytýǵa baǵyttalǵan sharalardy kúsheitýge shaqyrdy.
