Tuman saldarynan ondaǵan kólik soqtyǵysyp, 12 adam qaza tapty

Tuman saldarynan ondaǵan kólik soqtyǵysyp, 12 adam qaza tapty
ashyq derekkóz

Bolgariiada tuman saldarynan kóptegen kólik soqtyǵysyp, 12 adam qaza tapty, dep habarlaidy dalanews.kz.

Eldiń ońtústik-shyǵysyndaǵy Trakiia avtomagistralinde eki iri jol apaty boldy. Jergilikti BAQ málimetinshe, 80-nen asa jeńil jáne júk kóligi soqtyǵysqan.

Oqiǵa 10 qarashada tańerteń Zimnitsa aýyly mańynda bolǵan. Qalyń tuman saldarynan jol kórinbegen. Biliktiń aldyn ala boljamy boiynsha oqiǵaǵa osy jaǵdai sebep bolǵan. Ekinshi jol apaty qarsy baǵyttaǵy jolaqta bolǵan. Júrgizýshiler tasjoldyń arǵy betindegi jol apatyna alańdap, jolǵa nazar aýdarmai qalýy múmkin.

Qutqarýshylar zardap shekkenderge jetý úshin jol qorshaýlarynyń bir bóligin alyp tastaýǵa májbúr bolǵan. Tuman saldarynan tikushaqtar zardap shekkenderdi evakýatsiialaýǵa qatysa almady. Jaraqat alǵandar birneshe óńirdegi aýrýhanalarǵa jetkizildi.