Qarashanyń sońyna deiin Jasandy intellekt jáne tsifrlyq damý ministrligi Qazaqstandaǵy "Iandeks" kompaniialar tobynyń bes uiymyna jospardan tys tekseris júrgizedi. Vedomstvo olar jeke derekti qalai saqtap, qorǵaitynyn anyqtaidy, dep habarlaidy dalanews.kz.
Bul týraly premer-ministrdiń orynbasary - jasandy intellekt jáne tsifrlyq damý ministri Jaslan Mádiev Quryltai depýtaty Lázzat Jylqybaevanyń saýalyna bergen jaýabynda málimdedi.
Tekseris Qazaqstanda tirkelgen bes kompaniiany qamtidy. Olar: "Iandeks Qazaqstan", Yandex Bastau, "Iandeks. Taksi Korp", "Iandeks. Eda Kazahstan" jáne "Iandeks LLP".
"Tekseris barysynda jeke derekti qorǵaý salasyndaǵy zańnama talaptary saqtalýy jan-jaqty zerdelenedi. Derekti Qazaqstan aýmaǵynda saqtaý jáne olardy qorǵaý úshin qabyldanǵan uiymdastyrýshylyq ári tehnikalyq sharalar qaralady", – dep jazylǵan Mádievtiń jaýabynda.
11 qazanda Qazaqstanda taksi shaqyrý jáne kýrerlik jetkizý qyzmetterine arnalǵan Iandeks Go servisteri istemei qaldy. Kompaniia buǵan sheteldegi infraqurylymda bolǵan aqaý sebep bolǵanyn málimdedi.
