Qazaqstandyq kásipqoi boksshy Jánibek Álimhanuly 2027 jyly meksikalyq boksshy Saýl «Kanelo» Alvarespen jekpe-jek ótkizýi múmkin. Onyń esimi meksikalyq boksshynyń yqtimal qarsylastarynyń qysqa tizimine engizildi, dep habarlaidy dalanews.kz.
Meksikalyq boksshynyń bapkeri ári menedjeri Eddi Reinoso 2027 jylǵa arnalǵan yqtimal qarsylastar tizimin jasaqtaǵan. The Ring basylymynyń málimetinshe, bul tizimge Jánibek Álimhanuly (17-0, 12 nokaýt) pen daniialyq Iakob Bank (20-0, 11 nokaýt) arasyndaǵy jekpe-jekte jeńiske jetken boksshy da engen.
Qazaqstandyq bylǵary qolǵap sheberiniń esimi ekinshi orta salmaqtaǵy chempiondyq belbeýlerdi biriktirý jekpe-jekteriniń sanatynda kórsetilgen.
Bul tizimde meksikalyq Haime Mýngiia, amerikalyq Kristian Andrade, WBC nusqasy boiynsha ekinshi orta salmaqtaǵy ýaqytsha álem chempiony Lester Martines jáne jartylai aýyr salmaqtaǵy WBC chempiony Villi Hatchinson da bar.
Sondai-aq «Kanelo» komandasy amerikalyq Terens Kroýford jáne reseilik Dmitrii Bivolmen revansh ótkizý múmkindigin de qarastyryp otyr. Osylaisha, Jánibek Álimhanuly aldaǵy jekpe-jekte jeńiske jetip, chempiondyq ataqty ielense, «Kanelomen» kezdesýi múmkin.
Aita keteiik, Álimhanuly men Iakob Bank arasyndaǵy jekpe-jek 2027 jylǵy 23 qańtarda Daniianyń Horsens qalasyndaǵy Forum Horsens arenasynda ótedi. Bul kezdesýde ekinshi orta salmaqtaǵy WBO nusqasy boiynsha bos turǵan álem chempiony ataǵy sarapqa salynady.
Buǵan deiin britandyq boksshy Hamza Shiraz bul chempiondyq belbeýden bas tartqan bolatyn.
