Qazaqstan azamaty Alidji Afarov Qyrǵyzstan prezidenti Sadyr Japarovqa Shý oblysynda karer satyp alý kezinde alaiaqtyqqa tap bolǵanyn aityp, shaǵymdandy. Onyń sózinshe, 200 myń dollardan asa qarjysynan aiyrylǵan. Kúdiktilerdiń biri ózin Qyrǵyzstan basshysynyń týysymyn dep tanystyrǵan, dep habarlaidy dalanews.kz kaktus.media-ǵa siltep.
Prezidentpen kezdesýde Afarov Qant qalasy mańynan karer satyp alǵanyn, alaida keiin uiymdasqan qylmystyq top músheleri nysandy alaiaqtyq jolmen tartyp alǵanyn aitty.
"Karer satyp alyp, uiymdasqan qylmystyq toptyń qolyna tústim. Olar ony alaiaqtyq jolmen qaitadan iemdenip aldy. Keltirilgen shyǵyn 200 myń dollardan asady. Olardyń biri ózin týysyńyz Azamat Japarovpyn dep tanystyrdy. Ekinshisi - Iliasbek Qaiypov", - dedi ol.
Prezident ol adam shynymen týysy ne týysy emes ekenin surady.
"Azamat Japarov meniń týysym emes pe? Álde aty-jóni birdei adam ba?" - dep naqtylady Qyrǵyzstan basshysy.
Afarov álgi adam ózin prezidenttiń týysymyn dep tanystyrǵanyn, alaida keiin bul málimet shyndyqqa janaspaityny anyqtalǵanyn aitty.
Sondai-aq, Qazaqstan azamaty oqiǵaǵa qatysy bar adamdardyń uiymdasqan qylmystyq toppen bailanysy bolýy múmkin ekenin málimdedi.
Shaǵymdy tyńdaǵan Sadyr Japarov Ishki ister ministrligine kezdesýden keiin birden ótinish iesin qabyldap, oqiǵanyń mán-jaiyn anyqtaýdy tapsyrdy. Odan keiin Japarov aty atalǵan adamdar qazir qaida júrgenin surady. Olar áli ustalmaǵanyn estigen soń qosymsha tapsyrma berdi.
"Ishki ister ministrligi, olardy ustańyzdar jáne aqshany qaitaryńyzdar. 200 myń dollardy qaitarý kerek. Oǵan kómektesińizder", – dedi Sadyr Japarov.
