AQSh-tyń Úndistandaǵy elshisi Serdjio Gor memlekettik hatshy qyzmetine taǵaiyndalýy múmkin. Bul týraly The Washington Sun basylymy ishki talqylaýlardan habardar derekkózderge súienip jazdy, dep habarlaidy dalanews.kz.
Basylym málimetinshe, Donald Tramptyń ainalasyndaǵy adamdar Gordy AQSh ákimshiligindegi birneshe joǵary laýazymǵa laiyq úmitker retinde qarastyryp jatyr. Sonyń biri – qazir Marko Rýbio atqaryp otyrǵan memlekettik hatshy qyzmeti.
Serdjio Gor – Tramptyń jaqyn serikteriniń biri. Ol AQSh-tyń Aziia elderimen bailanysynda mańyzdy ról atqarady jáne Marko Rýbionyń senimdi adamy sanalady.
Alaida Marko Rýbio qyzmetinen ketetinin jariialaǵan joq. Aq úi apparatynyń basshysy Siýzi Ýails ta ákimshiliktegi jumysyn toqtatýǵa nietti ekenin aitpaǵan.
Gordyń ózi basqa qyzmetke aýysqysy keletini týraly aqparatty joqqa shyǵardy. Ol memlekettik hatshy qyzmetine qyzyǵýshylyq tanytpaǵanyn aityp, Marko Rýbiony almastyrý múmkindigi týraly málimetti shyndyqqa janaspaitynyn jetkizdi.
