AQSh áskeri Irannyń ońtústigindegi Keshm aralyna soqqy jasady. Irannyń memlekettik telearnasy aral aýmaǵynda birneshe jarylys bolǵanyn málimdedi, dep habarlaidy dalanews.kz.
Amerikalyq basylymdardyń málimetinshe, áskeri operatsiia qorǵanys maqsatynda júrgizilgen. AQSh tarapy bul áreketti Iran kúshteriniń amerikalyq nysandarǵa qarsy áýe qorǵanysy zymyrandaryn qoldanýyna jaýap dep túsindirgen.
The Wall Street Journal keiingi birneshe aptada AQSh-tyń Iran aýmaǵyndaǵy nysandarǵa shaǵyn kólemde birneshe ret soqqy jasaǵanyn jazdy. Alaida Vashington bul operatsiialardy jańa ári aýqymdy soǵystyń bastalýy retinde qabyldanbaýy úshin jariialamaǵan.
Fox News málimetinshe, sońǵy soqqy Irannyń amerikalyq áskeri ushaqqa oq atýynan keiin jasalǵan. AQSh sheneýnikteri bul jaǵdaidyń eki el arasyndaǵy iri áskeri qaqtyǵystyń qaita bastalǵanyn bildirmeitinin málimdedi.
Ázirge qaza tapqandar, zardap shekkender men keltirilgen zalal týraly aqparat joq.
