قازاقستان ازاماتى اليدجي افاروۆ قىرعىزستان پرەزيدەنتٸ سادىر جاپاروۆقا شۋ وبلىسىندا كارەر ساتىپ الۋ كەزٸندە الاياقتىققا تاپ بولعانىن ايتىپ, شاعىمداندى. ونىڭ سٶزٸنشە, 200 مىڭ دوللاردان اسا قارجىسىنان ايىرىلعان. كٷدٸكتٸلەردٸڭ بٸرٸ ٶزٸن قىرعىزستان باسشىسىنىڭ تۋىسىمىن دەپ تانىستىرعان, دەپ حابارلايدى dalanews.kz kaktus.media-عا سٸلتەپ.
پرەزيدەنتپەن كەزدەسۋدە افاروۆ قانت قالاسى ماڭىنان كارەر ساتىپ العانىن, الايدا كەيٸن ۇيىمداسقان قىلمىستىق توپ مٷشەلەرٸ نىساندى الاياقتىق جولمەن تارتىپ العانىن ايتتى.
"كارەر ساتىپ الىپ, ۇيىمداسقان قىلمىستىق توپتىڭ قولىنا تٷستٸم. ولار ونى الاياقتىق جولمەن قايتادان يەمدەنٸپ الدى. كەلتٸرٸلگەن شىعىن 200 مىڭ دوللاردان اسادى. ولاردىڭ بٸرٸ ٶزٸن تۋىسىڭىز ازامات جاپاروۆپىن دەپ تانىستىردى. ەكٸنشٸسٸ - يلياسبەك قايىپوۆ", - دەدٸ ول.
پرەزيدەنت ول ادام شىنىمەن تۋىسى نە تۋىسى ەمەس ەكەنٸن سۇرادى.
"ازامات جاپاروۆ مەنٸڭ تۋىسىم ەمەس پە? ەلدە اتى-جٶنٸ بٸردەي ادام با?" - دەپ ناقتىلادى قىرعىزستان باسشىسى.
افاروۆ ەلگٸ ادام ٶزٸن پرەزيدەنتتٸڭ تۋىسىمىن دەپ تانىستىرعانىن, الايدا كەيٸن بۇل مەلٸمەت شىندىققا جاناسپايتىنى انىقتالعانىن ايتتى.
سونداي-اق, قازاقستان ازاماتى وقيعاعا قاتىسى بار ادامداردىڭ ۇيىمداسقان قىلمىستىق توپپەن بايلانىسى بولۋى مٷمكٸن ەكەنٸن مەلٸمدەدٸ.
شاعىمدى تىڭداعان سادىر جاپاروۆ ٸشكٸ ٸستەر مينيسترلٸگٸنە كەزدەسۋدەن كەيٸن بٸردەن ٶتٸنٸش يەسٸن قابىلداپ, وقيعانىڭ مەن-جايىن انىقتاۋدى تاپسىردى. ودان كەيٸن جاپاروۆ اتى اتالعان ادامدار قازٸر قايدا جٷرگەنٸن سۇرادى. ولار ەلٸ ۇستالماعانىن ەستٸگەن سوڭ قوسىمشا تاپسىرما بەردٸ.
"ٸشكٸ ٸستەر مينيسترلٸگٸ, ولاردى ۇستاڭىزدار جەنە اقشانى قايتارىڭىزدار. 200 مىڭ دوللاردى قايتارۋ كەرەك. وعان كٶمەكتەسٸڭٸزدەر", – دەدٸ سادىر جاپاروۆ.
