تايلاندتا حالىقارالىق ٸزدەۋدە جٷرگەن 24 جاستاعى قازاقستاندىق ۇستالدى. ول الاياقتىق جاسادى جەنە اقشانى زاڭداستىردى دەگەن كٷدٸككە ٸلٸنگەن. تەرگەۋ مەلٸمەتٸنشە, مەملەكەتكە كەلتٸرٸلگەن شىعىن 560 ميلليون تەڭگەدەن اسادى, دەپ حابارلايدى dalanews.kz.
تايلاند باق مەلٸمەتٸنشە, 3 قاراشادا پوليتسييا پحۋكەت ارالىنداعى پاتونگ اۋدانىندا ورنالاسقان جاتاقحانادان قازاقستاندىق ازاماتتى ۇستاعان. تەرتٸپ ساقشىلارى كٷدٸكتٸ قايدا تۇراتىنىن انىقتاپ, سول مەكەنجايعا بارعان. جاتاقحانا قىزمەتكەرٸ ولاردى ەر ادامنىڭ بٶلمەسٸنە ەرتٸپ اپارعان. ەسٸك اشىلعان كەزدە ول جاسىرىنۋعا تىرىسقانىمەن, پوليتسييا ونى ۇستاعان.
جەرگٸلٸكتٸ باق مەلٸمەتٸنشە, قازاقستاندا ەر ادام الاياقتىق جەنە قىلمىستىق جولمەن الىنعان اقشانى زاڭداستىرۋ بويىنشا ٸزدەستٸرٸلگەن. تەرگەۋ نۇسقاسى بويىنشا ول سىبايلاستارىمەن بٸرگە قۇجاتتاردى قولدان جاساپ, 20-دان اسا جالعان كومپانييا قۇرعان. كٷدٸكتٸلەر وسى كومپانييالار ارقىلى اقشانى قولما-قول اقشاعا اينالدىرىپ, سالىق تٶلەۋدەن جالتارعان بولۋى مٷمكٸن.
باق دەرەگٸنشە, مەملەكەتكە كەلتٸرٸلگەن شىعىن 560,8 ميلليون تەڭگەگە باعالانعان. ونىڭ قازاقستانعا قاشان ەكستراديتسييالاناتىنى ەزٸرگە بەلگٸسٸز.
