Tailandta halyqaralyq izdeýde júrgen 24 jastaǵy qazaqstandyq ustaldy. Ol alaiaqtyq jasady jáne aqshany zańdastyrdy degen kúdikke ilingen. Tergeý málimetinshe, memleketke keltirilgen shyǵyn 560 million teńgeden asady, dep habarlaidy dalanews.kz.
Tailand BAQ málimetinshe, 3 qarashada politsiia Phýket aralyndaǵy Patong aýdanynda ornalasqan jataqhanadan qazaqstandyq azamatty ustaǵan. Tártip saqshylary kúdikti qaida turatynyn anyqtap, sol mekenjaiǵa barǵan. Jataqhana qyzmetkeri olardy er adamnyń bólmesine ertip aparǵan. Esik ashylǵan kezde ol jasyrynýǵa tyrysqanymen, politsiia ony ustaǵan.
Jergilikti BAQ málimetinshe, Qazaqstanda er adam alaiaqtyq jáne qylmystyq jolmen alynǵan aqshany zańdastyrý boiynsha izdestirilgen. Tergeý nusqasy boiynsha ol sybailastarymen birge qujattardy qoldan jasap, 20-dan asa jalǵan kompaniia qurǵan. Kúdiktiler osy kompaniialar arqyly aqshany qolma-qol aqshaǵa ainaldyryp, salyq tóleýden jaltarǵan bolýy múmkin.
BAQ dereginshe, memleketke keltirilgen shyǵyn 560,8 million teńgege baǵalanǵan. Onyń Qazaqstanǵa qashan ekstraditsiialanatyny ázirge belgisiz.
