Almaty qalasynda Jańa jyl merekesine daiyndyq jumystary bastaldy. Biyl shahar kósheleri men alańdaryn bezendirýge, merekelik shyrsha ornatýǵa jáne kontsert uiymdastyrýǵa biýdjetten 512,3 mln teńge qarastyrylǵan, dep habarlaidy dalanews.kz.
Merekeniń basty nyshandarynyń biri Abai alańyna qoiylady. Munda biiktigi keminde 13 metr bolatyn úsh deńgeili shyrsha ornatý josparlanyp otyr. Budan bólek, alańǵa túrli merekelik installiatsiialar, sándik kompozitsiialar men jaryq arka qoiylady.
Memlekettik satyp alý portalynda jariialanǵan málimetterge sáikes, bólinetin qarajat úsh negizgi baǵytqa jumsalady:
Abai alańyn merekelik bezendirýge – 288,7 mln teńge;
Úsh kúndik kontsert uiymdastyrýǵa jáne sahnany bezendirýge – 138,8 mln teńge;
Qala kóshelerine jaryq kronshteinderin ornatýǵa – 84,8 mln teńge.
Osylaisha, Almatyda biylǵy Jańa jyl merekesiniń bezendirilýi men mádeni baǵdarlamasyna jarty milliard teńgeden astam qarajat jumsaý kózdelgen.
