Atyraýda «Haker Atyraý» degen laqap atpen tanylǵan 32 jastaǵy azamatqa qatysty sot protsesi jalǵasyp jatyr. Alaiaqtyq jasady dep aiyptalǵan azamattyń isine bailanysty jýrnalist Janat Moldasheva pikir bildirdi,, dep habarlaidy dalanews.kz.
Jýrnalist áleýmettik jelidegi paraqshasynda sot otyrysynan túsirilgen foto jáne beinejazbalardy jariialap, istegi qarjylyq shyǵyn kólemine qatysty tańdanysyn jetkizgen.
Onyń aitýynsha, shetelden Qazaqstanǵa jetkizilgen azamatqa qatysty qylmystyq is boiynsha kórsetilgen shyǵyn mólsheri ózi kútken somadan áldeqaida az bolyp shyqqan.
«Shetelden taýyp alyp, elge jelkelep jetkizgenge 200-300 mln joǵary boryshy bar bolar dep oilaǵanmyn. 13 mln teńge eken», – dep jazdy jýrnalist.
Janat Moldashevanyń bul jazbasy áleýmettik jelide qyzý talqylandy. Jeli qoldanýshylary azamattyń shetelden elge qaitarylýy, oǵan taǵylǵan aiyp jáne sotta qaralyp jatqan qarjylyq shyǵyn týraly túrli pikir bildirgen.
