Qyzylordadan Astanaǵa ushqan ushaq qustarmen soqtyǵysty. Jolaýshylardyń biri ushaqtyń aldyńǵy bóligi qanǵa boialǵanyn aityp, ushqyshtardyń sheberligine tánti boldy, dep habarlaidy dalanews.kz.
Ushaq qosymsha tekseriske jiberildi
Vietjet Qazaqstan málimetinshe, oqiǵa 4 qarashada bolǵan. Qustarmen soqtyǵysqannan keiin ushaq qosymsha tehnikalyq tekseriske jiberilgen. Sonyń saldarynan áýe kompaniiasynyń birneshe baǵyttaǵy reisteri keshikken.
Kompaniia ókilderi reisterdiń keshigýin barynsha azaityp, qalypty ushý kestesin tezirek qalpyna keltirý úshin sharalar qabyldap jatqanyn málimdedi.
Jolaýshylarǵa reister týraly keiingi aqparatty áýe kompaniiasynyń resmi arnalary arqyly tekserip otyrý usynyldy. Qosymsha suraqtar týyndasa, kompaniia ókilderine habarlasýǵa bolady.
Jolaýshy ushqyshtardyń sheberligine tánti boldy
Dalanews.kz osy reistegi jolaýshylardyń birimen tildesti. Ol túskennen keiin ǵana ushaqtyń aldyńǵy bóligi qan bolǵanyn baiqaǵanyn aitty. Jolaýshy qustarmen soqtyǵysqan ushaqty basqarǵan ushqyshtardyń kásibi sheberligine tánti boldy.
