Kókshetaýda áleýmettik osal toptarǵa arnalǵan turǵyn úilerdiń qurylysyna bólingen 211 mln teńge biýdjet qarajatyn jymqyrǵan merdiger sottaldy, dep habarlaidy dalanews.kz.
Is materialdaryna sáikes, qurylys kompaniiasynyń direktory 2021 jyly qalalyq qurylys bólimimen eki turǵyn úi salý jóninde jalpy quny 1,2 mlrd teńgeden asatyn kelisimshart jasasqan.
Alaida merdiger nysandardyń birinde qurylys jumystaryn múldem bastamaǵan. Al ekinshi úi boiynsha jalǵan qujattar usynyp, avans alǵannan keiin jumysty toqtatqan.
Tergeý barysynda jymqyrylǵan qarajattyń aiyptalýshynyń qaryzdaryn óteýge jáne jeke qajetine jumsalǵany anyqtaldy.
Sot úkimimen seriktestik direktory 8 jyl 6 aiǵa bas bostandyǵynan aiyryldy.
