Indoneziianyń Denpasar qalasynda ótip jatqan "QS Summit - 2026" halyqaralyq sammiti aiasynda Iliias Jansúgirov atyndaǵy Jetisý ýniversiteti QS halyqaralyq syilyǵynyń «Learning Experience – Performance Improvement» («Oqytý sapasyn arttyrý jáne bilim berý ortasyn damytýdaǵy joǵary jetistikteri úshin») nominatsiiasymen marapattaldy. Atalǵan nominatsiia Qazaqstannyń joǵary oqý oryndary arasynda berilgen alǵashqy marapat. Saltanatty rásimde halyqaralyq syilyqty ýniversitettiń Basqarma tóraǵasy – rektory, professor Ermek Bóribaev qabyldady, dep habarlaidy dalanews.kz
«Learning Experience – Performance Improvement» nominatsiiasy bilim berý sapasyn jetildirý, akademiialyq ortany damytý jáne stýdentterge qolaily bilim berýdi qalyptastyrǵan joǵary oqý oryndaryna beriledi. Baǵalaý barysynda oqytý úderisiniń tiimdiligi, professor-oqytýshylar quramynyń akademiialyq qyzmetke qatysý deńgeii, stýdentterdi qoldaý júiesi, olardyń jeke jáne kásibi áleýetin damytýǵa jasalǵan jaǵdailar eskeriledi.
Jetisý ýniversitetiniń QS halyqaralyq syilyǵynyń nominatsiiasyna ie bolýy otandyq joǵary bilim berý júiesiniń halyqaralyq akademiialyq keńistiktegi tanymaldyǵyn arttyra túsedi.
Halyqaralyq marapat joǵary oqý ornynyń bilim berý sapasyn arttyrý, oqytý ádistemelerin jetildirý, akademiialyq ortany jańǵyrtý jáne stýdentke baǵdarlanǵan bilim berý modelin damytý baǵytynda atqarylǵan júieli jumystardyń nátijesin kórsetedi.
Bul jetistik ýniversitet ujymynyń bilim berý sapasyn halyqaralyq talaptarǵa sáikestendirý, akademiialyq mádenietti nyǵaitý jáne bilim alýshylar úshin qolaily bilim berý ortasyn qalyptastyrý baǵytyndaǵy birlesken jumysynyń nátijesi.
