Sport jýrnalisi Aslan Qajenov Tarazda boi kóterýi tiis balalar fýtbol akademiiasynyń qurylysy áli bastalmaǵanyn málimdedi. Onyń aitýynsha, jobanyń tanystyrylymy ótkenine bir jyl tolsa da, qurylys alańynda eshqandai jumys júrgizilmegen, dep habarlaidy dalanews.kz.
"Kapsýla bar, qurylys joq. Aitylǵan ýáde bar, akademiia joq", – dedi jýrnalist oqiǵa ornynan túsirgen videosynda.
Qajenovtiń sózinshe, bir jyl buryn osy aýmaqta resmi shara ótip, fýtbol akademiiasynyń qurylysyna kapsýla salynǵan. Jiynǵa Qazaqstan fýtbol federatsiiasynyń sol kezdegi basshysy, Jambyl oblysynyń ákimi jáne «Halyq» qaiyrymdylyq qorynyń ókilderi qatysqan.
Joba aiasynda júz balaǵa arnalǵan, ÝEFA men FIFA talaptaryna sáikes keletin jáne qajetti jabdyqtarmen tolyq qamtylǵan fýtbol akademiiasyn salý josparlanǵan. Bastamany júzege asyrýǵa "Halyq" qory 3,5 mlrd teńge bóletini de habarlanǵan.
Alaida arada bir jyl ótkende qurylys alańynda akademiianyń boi kótere bastaǵanyn kórsetetin eshqandai belgi joq.
"Qazir osy jerge arnaiy kelip turmyn. Aýmaqta qurylystyń nyshany da baiqalmaidy. Jobanyń barysy jiti baqylaýda bolady degen edi. Ókinishke qarai, eshqandai protsesti kórip turǵan joqpyn", – dedi Aslan Qajenov.
Jýrnalist Tarazǵa kelgennen beri jergilikti turǵyndardan akademiiaǵa qatysty kóptegen saýal túskenin aitty. Ata-analar nysannyń qashan salynatynyn, balalardyń neshe jastan qabyldanatynyn jáne oqýǵa túsý talaptaryn bilgisi keledi. Alaida olar da resmi taraptardan naqty jaýap ala almaǵan.
Osyǵan bailanysty Aslan Qajenov jobaǵa jaýapty mekemelerden akademiianyń qazirgi jaǵdaiy týraly ashyq málimet berýdi surady.
"Qurylys bola ma, joq pa? Akademiianyń orny aýystyryldy ma? Bólingen qarajat jetkilikti me? Kópshiliktiń kókeiinde osyndai saýaldar bar. Ýáde bergen taraptar resmi túrde jaýap berse deimin", – dedi ol.
Sport jýrnalisi máseleni kótergeni úshin ózine qysym jasalmaýyn da surady. Onyń sózinshe, bul jerde kimniń qandai yqpaly bary emes, jobanyń naqty júzege asýy mańyzdy.
"Bizge keregi – naqty is. Osy jerge akademiia salýǵa ýáde berilgen soń, ol oryndalýy kerek. Balalar osynda jattyǵyp, qazaq fýtboly osyndai bastamalar arqyly alǵa basýǵa tiis. Bolashaqta Eýropa jáne álem chempionattarynda dop tebetin qaradomalaqtarymyz dál osy jerden shyǵýy kerek", – dedi Aslan Qajenov.
Ol jaýapty taraptar jaqyn arada túsinikteme berip, balalar fýtbol akademiiasynyń qurylysy bastalady degen úmitin bildirdi.
