QS Quacquarelli Symonds halyqaralyq taldaý agenttigi Aziianyń úzdik ýniversitetteriniń QS Asia University Rankings 2027 reitingin jariialady. Qazaqstan Ortalyq Aziia elderi arasynda kóshbasshylyq ornyn saqtap, úsh ýniversiteti reitingtiń alǵashqy júzdigine engen óńirdegi jalǵyz memleket atandy. Biylǵy reitingke elimizdiń 51 joǵary oqý orny engizildi. Bul ótken jylmen salystyrǵanda jeti ýniversitetke artyq, dep habarlaidy dalanews.kz.
QS Asia University Rankings 2027 reitingine Aziianyń 26 eli men aýmaǵynan 1722 ýniversitet endi. Reitingke engizilgen joǵary oqý oryndarynyń sany boiynsha Qazaqstan Aziiada 10-orynǵa turaqtady. Sońǵy úsh jylda reitingke qatysqan qazaqstandyq ýniversitetterdiń sany 34-ten 51-ge deiin artty. Onyń ishinde jeti joǵary oqý orny reitingke alǵash ret endi.
Aziianyń úzdik 100 ýniversitetiniń qataryna Qazaqstannyń úsh joǵary oqý orny kirdi:
✔ Ál-Farabi atyndaǵy Qazaq ulttyq ýniversiteti – 46-oryn;
✔ L.N.Gýmilev atyndaǵy Eýraziia ulttyq ýniversiteti – 62-oryn;
✔ Satbayev University – 89-oryn.
Qazaqstandyq joǵary oqý oryndary arasynda reitingtegi ornyn aitarlyqtai jaqsartqan ýniversitetterdiń biri – NU. Ýniversitet 62 satyǵa kóterilip, 139-orynǵa ie boldy. Osylaisha, reitingke ekinshi jyl qatarynan qatysyp otyrǵan oqý orny Aziianyń úzdik 200 ýniversitetiniń qataryna endi. Sondai-aq Sársen Amanjolov atyndaǵy Shyǵys Qazaqstan ýniversiteti óz kórsetkishin 64 satyǵa jaqsartyp, 618-orynǵa kóterildi.
Qazaqstandyq ýniversitetter bilim berý ortasynyń sapasy, akademiialyq utqyrlyq jáne halyqaralyq yntymaqtastyq kórsetkishteri boiynsha joǵary nátijelerge qol jetkizdi. Reitingtiń 11 indikatorynyń jeteýi boiynsha otandyq joǵary oqý oryndarynyń ortasha kórsetkishteri Aziia ýniversitetteriniń ortasha deńgeiinen joǵary boldy.
Atap aitqanda, akademiialyq almasý baǵdarlamalary aiasynda shetelge shyǵatyn stýdentterdiń úlesi boiynsha Qazaqstannyń ortasha kórsetkishi 58,8 baldy qurady. Al Aziia boiynsha bul kórsetkish 22,6 balǵa teń. Oqytýshylar men stýdentter sanynyń araqatynasy boiynsha otandyq ýniversitetter orta eseppen 52 ball jinasa, Aziiadaǵy ortasha kórsetkish 34,6 baldy qurady. Jumys berýshiler arasyndaǵy bedel kórsetkishi boiynsha qazaqstandyq joǵary oqý oryndary 38,8 balǵa qol jetkizip, Aziiadaǵy ortasha deńgeiden (24,9 ball) joǵary nátije kórsetti.
Elimizdiń jetekshi ýniversitetteri jekelegen indikatorlar boiynsha da joǵary oryndarǵa ie boldy. Máselen, ál-Farabi atyndaǵy Qazaq ulttyq ýniversiteti oqytýshylar men stýdentter sanynyń araqatynasy jáne akademiialyq almasý baǵdarlamalary boiynsha shetelge shyǵatyn stýdentterdiń úlesi jóninen Aziiada 12-orynǵa turaqtady. Al akademik E.A.Bóketov atyndaǵy Qaraǵandy ulttyq zertteý ýniversiteti sońǵy kórsetkish boiynsha 29-orynnan 18-orynǵa kóterildi.
Óz kezeginde NU halyqaralyq ǵylymi yntymaqtastyq indeksi boiynsha 24-orynǵa, al sheteldik oqytýshylardyń úlesi boiynsha 26-orynǵa ie boldy. Sheteldik oqytýshylardyń úlesi jóninen Satbayev University 34-orynǵa turaqtasa, ál-Farabi atyndaǵy Qazaq ulttyq ýniversiteti 52-orynnan 40-orynǵa kóterildi.
Qazaqstandyq ýniversitetterdiń basqa da mańyzdy jetistikteri:
✔ 10 joǵary oqý orny oqytýshylar men stýdentter sanynyń araqatynasy boiynsha Aziianyń úzdik 100 ýniversitetiniń qataryna endi;
✔ 6 ýniversitet akademiialyq almasý baǵdarlamalary boiynsha shetelge shyǵatyn stýdentterdiń úlesi jóninen alǵashqy júzdikke kirdi;
✔ 7 joǵary oqý orny sheteldik oqytýshylardyń úlesi boiynsha úzdik 100 ýniversitettiń qatarynan oryn aldy;
✔ Qazaqstandyq ýniversitetterdiń 48%-y sheteldik oqytýshylardyń úlesi boiynsha kórsetkishterin jaqsartty;
✔ Joǵary oqý oryndarynyń 39%-y oqytýshylar men stýdentter sanynyń araqatynasy boiynsha nátijelerin arttyrdy.
Halyqaralyq akademiialyq yntymaqtastyqtyń keńeiýi, sonyń ishinde Qazaqstanda sheteldik ýniversitetterdiń 30-dan astam filialynyń ashylýy bilim berý baǵdarlamalaryn damytýǵa, akademiialyq utqyrlyqty arttyrýǵa jáne otandyq joǵary oqý oryndarynyń halyqaralyq bailanystaryn nyǵaitýǵa qosymsha múmkindikter týǵyzýda.
Reiting nátijelerine pikir bildirgen QS Quacquarelli Symonds agenttiginiń aǵa vitse-prezidenti Ben Saýter Qazaqstannyń Ortalyq Aziiadaǵy jetekshi ornyn saqtap otyrǵanyn atap ótti. Onyń aitýynsha, NU ýniversitetiniń Aziiadaǵy úzdik 200 joǵary oqý ornynyń qataryna enýi ǵylymi zertteýlerdi qoldaý men joǵary bilim berýdi internatsionaldandyrýdyń mańyzyn kórsetedi. Sonymen birge ǵylymdy qarjylandyrý kólemin ulǵaitýmen qatar, ǵylymi zertteýlerdiń halyqaralyq yqpalyn arttyrý negizgi mindetterdiń biri bolyp qala beredi.
QS Quacquarelli Symonds agenttiginiń óńirlik direktory Sergei Hristoliýbov ta Qazaqstannyń halyqaralyq reitingtegi ókildigi keńeiip kele jatqanyn atap ótti. Onyń aitýynsha, QS Asia University Rankings 2027 reitingine elimizdiń 19 qalasynan 51 ýniversitet engen. Bul nátije Almaty men Astananyń álemdegi úzdik stýdenttik qalalardyń QS Best Student Cities 2027 reitingindegi oryndarynyń jaqsarýymen qatar, Qazaqstannyń óńirlik bilim berý ortalyǵy retindegi halyqaralyq tanymaldyǵynyń artyp kele jatqanyn kórsetedi.
QS Asia University Rankings – QS Quacquarelli Symonds agenttigi ázirleitin Aziia ýniversitetteriniń halyqaralyq reitingi. Joǵary oqý oryndary akademiialyq bedeli, túlekteriniń jumys berýshiler arasyndaǵy suranysy, bilim berý ortasynyń sapasy, ǵylymi-zertteý qyzmetiniń nátijeliligi, halyqaralyq yntymaqtastyq jáne akademiialyq utqyrlyq deńgeiin qamtityn 11 indikator boiynsha baǵalanady.
