Nurlybek Asylbekov Qazaqstan Respýblikasynyń densaýlyq saqtaý vitse-ministri bolyp taǵaiyndaldy. Buǵan deiin ol «SK-Farmatsiia» JShS basqarma tóraǵasy qyzmetin atqarǵan. Bul týraly Úkimettiń baspasóz qyzmeti habarlady, dep habarlaidy dalanews.kz.
Nurlybek Asylbekov 1966 jyly Ońtústik Qazaqstan oblysynda dúniege kelgen. Almaty memlekettik meditsina institýtynyń Shymkent qalasyndaǵy filialyn, M. Saparbaev atyndaǵy Ońtústik Qazaqstan gýmanitarlyq institýtyn jáne M. Áýezov atyndaǵy Ońtústik Qazaqstan memlekettik ýniversitetin támamdaǵan.
Eńbek jolyn 1990 jyly «Farmatsiia» RPP-de provizor-tehnolog bolyp bastaǵan. Keiin osy mekemede direktordyń orynbasary, sondai-aq «Farmatsiia» AQ-nyń Ońtústik Qazaqstan oblysyndaǵy aýdandyq filialynda bas maman jáne direktordyń orynbasary qyzmetterin atqarǵan.
2000–2002 jyldary Ońtústik Qazaqstan oblysy ákiminiń apparatynda bas maman bolǵan.
2002–2012 jyldary Densaýlyq saqtaý ministrligi Farmatsevtikalyq baqylaý komitetiniń Ońtústik Qazaqstan jáne Almaty oblystaryndaǵy, sondai-aq Almaty men Astana qalalaryndaǵy basqarmalary men departamentterin basqarǵan.
2012–2015 jyldary Premer-ministr Keńsesinde bas sarapshy, 2015–2017 jyldary Astana qalasy Tutynýshylardyń quqyqtaryn qorǵaý departamentiniń basshysy bolǵan.
2017–2022 jyldary Densaýlyq saqtaý ministrliginiń qurylymynda basshylyq qyzmetter atqardy. 2022–2025 jyldary Shymkent qalasynyń densaýlyq saqtaý basqarmasyn basqardy.
2025 jyldan bastap jańa taǵaiyndaýǵa deiin «SK-Farmatsiia» JShS basqarma tóraǵasy qyzmetin atqarǵan.
