QS Quacquarelli Symonds حالىقارالىق تالداۋ اگەنتتٸگٸ ازييانىڭ ٷزدٸك ۋنيۆەرسيتەتتەرٸنٸڭ QS Asia University Rankings 2027 رەيتينگٸن جارييالادى. قازاقستان ورتالىق ازييا ەلدەرٸ اراسىندا كٶشباسشىلىق ورنىن ساقتاپ, ٷش ۋنيۆەرسيتەتٸ رەيتينگتٸڭ العاشقى جٷزدٸگٸنە ەنگەن ٶڭٸردەگٸ جالعىز مەملەكەت اتاندى. بيىلعى رەيتينگكە ەلٸمٸزدٸڭ 51 جوعارى وقۋ ورنى ەنگٸزٸلدٸ. بۇل ٶتكەن جىلمەن سالىستىرعاندا جەتٸ ۋنيۆەرسيتەتكە ارتىق, دەپ حابارلايدى dalanews.kz.
QS Asia University Rankings 2027 رەيتينگٸنە ازييانىڭ 26 ەلٸ مەن اۋماعىنان 1722 ۋنيۆەرسيتەت ەندٸ. رەيتينگكە ەنگٸزٸلگەن جوعارى وقۋ ورىندارىنىڭ سانى بويىنشا قازاقستان ازييادا 10-ورىنعا تۇراقتادى. سوڭعى ٷش جىلدا رەيتينگكە قاتىسقان قازاقستاندىق ۋنيۆەرسيتەتتەردٸڭ سانى 34-تەن 51-گە دەيٸن ارتتى. ونىڭ ٸشٸندە جەتٸ جوعارى وقۋ ورنى رەيتينگكە العاش رەت ەندٸ.
ازييانىڭ ٷزدٸك 100 ۋنيۆەرسيتەتٸنٸڭ قاتارىنا قازاقستاننىڭ ٷش جوعارى وقۋ ورنى كٸردٸ:
✔ ەل-فارابي اتىنداعى قازاق ۇلتتىق ۋنيۆەرسيتەتٸ – 46-ورىن;
✔ ل.ن.گۋميلەۆ اتىنداعى ەۋرازييا ۇلتتىق ۋنيۆەرسيتەتٸ – 62-ورىن;
✔ Satbayev University – 89-ورىن.
قازاقستاندىق جوعارى وقۋ ورىندارى اراسىندا رەيتينگتەگٸ ورنىن ايتارلىقتاي جاقسارتقان ۋنيۆەرسيتەتتەردٸڭ بٸرٸ – NU. ۋنيۆەرسيتەت 62 ساتىعا كٶتەرٸلٸپ, 139-ورىنعا يە بولدى. وسىلايشا, رەيتينگكە ەكٸنشٸ جىل قاتارىنان قاتىسىپ وتىرعان وقۋ ورنى ازييانىڭ ٷزدٸك 200 ۋنيۆەرسيتەتٸنٸڭ قاتارىنا ەندٸ. سونداي-اق سەرسەن امانجولوۆ اتىنداعى شىعىس قازاقستان ۋنيۆەرسيتەتٸ ٶز كٶرسەتكٸشٸن 64 ساتىعا جاقسارتىپ, 618-ورىنعا كٶتەرٸلدٸ.
قازاقستاندىق ۋنيۆەرسيتەتتەر بٸلٸم بەرۋ ورتاسىنىڭ ساپاسى, اكادەمييالىق ۇتقىرلىق جەنە حالىقارالىق ىنتىماقتاستىق كٶرسەتكٸشتەرٸ بويىنشا جوعارى نەتيجەلەرگە قول جەتكٸزدٸ. رەيتينگتٸڭ 11 ينديكاتورىنىڭ جەتەۋٸ بويىنشا وتاندىق جوعارى وقۋ ورىندارىنىڭ ورتاشا كٶرسەتكٸشتەرٸ ازييا ۋنيۆەرسيتەتتەرٸنٸڭ ورتاشا دەڭگەيٸنەن جوعارى بولدى.
اتاپ ايتقاندا, اكادەمييالىق الماسۋ باعدارلامالارى اياسىندا شەتەلگە شىعاتىن ستۋدەنتتەردٸڭ ٷلەسٸ بويىنشا قازاقستاننىڭ ورتاشا كٶرسەتكٸشٸ 58,8 بالدى قۇرادى. ال ازييا بويىنشا بۇل كٶرسەتكٸش 22,6 بالعا تەڭ. وقىتۋشىلار مەن ستۋدەنتتەر سانىنىڭ اراقاتىناسى بويىنشا وتاندىق ۋنيۆەرسيتەتتەر ورتا ەسەپپەن 52 بالل جيناسا, ازيياداعى ورتاشا كٶرسەتكٸش 34,6 بالدى قۇرادى. جۇمىس بەرۋشٸلەر اراسىنداعى بەدەل كٶرسەتكٸشٸ بويىنشا قازاقستاندىق جوعارى وقۋ ورىندارى 38,8 بالعا قول جەتكٸزٸپ, ازيياداعى ورتاشا دەڭگەيدەن (24,9 بالل) جوعارى نەتيجە كٶرسەتتٸ.
ەلٸمٸزدٸڭ جەتەكشٸ ۋنيۆەرسيتەتتەرٸ جەكەلەگەن ينديكاتورلار بويىنشا دا جوعارى ورىندارعا يە بولدى. مەسەلەن, ەل-فارابي اتىنداعى قازاق ۇلتتىق ۋنيۆەرسيتەتٸ وقىتۋشىلار مەن ستۋدەنتتەر سانىنىڭ اراقاتىناسى جەنە اكادەمييالىق الماسۋ باعدارلامالارى بويىنشا شەتەلگە شىعاتىن ستۋدەنتتەردٸڭ ٷلەسٸ جٶنٸنەن ازييادا 12-ورىنعا تۇراقتادى. ال اكادەميك ە.ا.بٶكەتوۆ اتىنداعى قاراعاندى ۇلتتىق زەرتتەۋ ۋنيۆەرسيتەتٸ سوڭعى كٶرسەتكٸش بويىنشا 29-ورىننان 18-ورىنعا كٶتەرٸلدٸ.
ٶز كەزەگٸندە NU حالىقارالىق عىلىمي ىنتىماقتاستىق يندەكسٸ بويىنشا 24-ورىنعا, ال شەتەلدٸك وقىتۋشىلاردىڭ ٷلەسٸ بويىنشا 26-ورىنعا يە بولدى. شەتەلدٸك وقىتۋشىلاردىڭ ٷلەسٸ جٶنٸنەن Satbayev University 34-ورىنعا تۇراقتاسا, ەل-فارابي اتىنداعى قازاق ۇلتتىق ۋنيۆەرسيتەتٸ 52-ورىننان 40-ورىنعا كٶتەرٸلدٸ.
قازاقستاندىق ۋنيۆەرسيتەتتەردٸڭ باسقا دا ماڭىزدى جەتٸستٸكتەرٸ:
✔ 10 جوعارى وقۋ ورنى وقىتۋشىلار مەن ستۋدەنتتەر سانىنىڭ اراقاتىناسى بويىنشا ازييانىڭ ٷزدٸك 100 ۋنيۆەرسيتەتٸنٸڭ قاتارىنا ەندٸ;
✔ 6 ۋنيۆەرسيتەت اكادەمييالىق الماسۋ باعدارلامالارى بويىنشا شەتەلگە شىعاتىن ستۋدەنتتەردٸڭ ٷلەسٸ جٶنٸنەن العاشقى جٷزدٸككە كٸردٸ;
✔ 7 جوعارى وقۋ ورنى شەتەلدٸك وقىتۋشىلاردىڭ ٷلەسٸ بويىنشا ٷزدٸك 100 ۋنيۆەرسيتەتتٸڭ قاتارىنان ورىن الدى;
✔ قازاقستاندىق ۋنيۆەرسيتەتتەردٸڭ 48%-ى شەتەلدٸك وقىتۋشىلاردىڭ ٷلەسٸ بويىنشا كٶرسەتكٸشتەرٸن جاقسارتتى;
✔ جوعارى وقۋ ورىندارىنىڭ 39%-ى وقىتۋشىلار مەن ستۋدەنتتەر سانىنىڭ اراقاتىناسى بويىنشا نەتيجەلەرٸن ارتتىردى.
حالىقارالىق اكادەمييالىق ىنتىماقتاستىقتىڭ كەڭەيۋٸ, سونىڭ ٸشٸندە قازاقستاندا شەتەلدٸك ۋنيۆەرسيتەتتەردٸڭ 30-دان استام فيليالىنىڭ اشىلۋى بٸلٸم بەرۋ باعدارلامالارىن دامىتۋعا, اكادەمييالىق ۇتقىرلىقتى ارتتىرۋعا جەنە وتاندىق جوعارى وقۋ ورىندارىنىڭ حالىقارالىق بايلانىستارىن نىعايتۋعا قوسىمشا مٷمكٸندٸكتەر تۋعىزۋدا.
رەيتينگ نەتيجەلەرٸنە پٸكٸر بٸلدٸرگەن QS Quacquarelli Symonds اگەنتتٸگٸنٸڭ اعا ۆيتسە-پرەزيدەنتٸ بەن ساۋتەر قازاقستاننىڭ ورتالىق ازيياداعى جەتەكشٸ ورنىن ساقتاپ وتىرعانىن اتاپ ٶتتٸ. ونىڭ ايتۋىنشا, NU ۋنيۆەرسيتەتٸنٸڭ ازيياداعى ٷزدٸك 200 جوعارى وقۋ ورنىنىڭ قاتارىنا ەنۋٸ عىلىمي زەرتتەۋلەردٸ قولداۋ مەن جوعارى بٸلٸم بەرۋدٸ ينتەرناتسيونالداندىرۋدىڭ ماڭىزىن كٶرسەتەدٸ. سونىمەن بٸرگە عىلىمدى قارجىلاندىرۋ كٶلەمٸن ۇلعايتۋمەن قاتار, عىلىمي زەرتتەۋلەردٸڭ حالىقارالىق ىقپالىن ارتتىرۋ نەگٸزگٸ مٸندەتتەردٸڭ بٸرٸ بولىپ قالا بەرەدٸ.
QS Quacquarelli Symonds اگەنتتٸگٸنٸڭ ٶڭٸرلٸك ديرەكتورى سەرگەي حريستوليۋبوۆ تا قازاقستاننىڭ حالىقارالىق رەيتينگتەگٸ ٶكٸلدٸگٸ كەڭەيٸپ كەلە جاتقانىن اتاپ ٶتتٸ. ونىڭ ايتۋىنشا, QS Asia University Rankings 2027 رەيتينگٸنە ەلٸمٸزدٸڭ 19 قالاسىنان 51 ۋنيۆەرسيتەت ەنگەن. بۇل نەتيجە الماتى مەن استانانىڭ ەلەمدەگٸ ٷزدٸك ستۋدەنتتٸك قالالاردىڭ QS Best Student Cities 2027 رەيتينگٸندەگٸ ورىندارىنىڭ جاقسارۋىمەن قاتار, قازاقستاننىڭ ٶڭٸرلٸك بٸلٸم بەرۋ ورتالىعى رەتٸندەگٸ حالىقارالىق تانىمالدىعىنىڭ ارتىپ كەلە جاتقانىن كٶرسەتەدٸ.
QS Asia University Rankings – QS Quacquarelli Symonds اگەنتتٸگٸ ەزٸرلەيتٸن ازييا ۋنيۆەرسيتەتتەرٸنٸڭ حالىقارالىق رەيتينگٸ. جوعارى وقۋ ورىندارى اكادەمييالىق بەدەلٸ, تٷلەكتەرٸنٸڭ جۇمىس بەرۋشٸلەر اراسىنداعى سۇرانىسى, بٸلٸم بەرۋ ورتاسىنىڭ ساپاسى, عىلىمي-زەرتتەۋ قىزمەتٸنٸڭ نەتيجەلٸلٸگٸ, حالىقارالىق ىنتىماقتاستىق جەنە اكادەمييالىق ۇتقىرلىق دەڭگەيٸن قامتيتىن 11 ينديكاتور بويىنشا باعالانادى.
