اقتاۋدا ەيەلدٸ اڭدىپ, ٷيٸنە بارىپ, تەلەفون ارقىلى مازاسىن العان ەر ادامعا 100 ساعات قوعامدىق جۇمىس جازاسى تاعايىندالدى, دەپ حابارلايدى dalanews.kz.
اقتاۋ قالالىق سوتىنىڭ مەلٸمەتٸنشە, سوتتالۋشى 2026 جىلعى تامىز بەن قازان ارالىعىندا جەبٸرلەنۋشٸنٸ زاڭسىز قۋدالاعان.
اتاپ ايتقاندا, ەر ادام ەيەلدٸڭ سوڭىنان اڭدىپ, ٷيٸنە كەلگەن, پەتەرٸنٸڭ ەسٸگٸن قاققان. سونداي-اق پەتەر ەسٸگٸنٸڭ ٷستٸنە ورناتىلعان بەينەكامەراسى بار فلەش-جيناقتاۋىشتى شەشٸپ الىپ كەتكەن. بۇدان بٶلەك, ول جەبٸرلەنۋشٸگە WhatsApp ارقىلى بٸرنەشە رەت قوڭىراۋ شالىپ, حابارلامالار جٸبەرٸپ, مازاسىن العان.
سوت بۇل ەرەكەتتەر ەيەلدٸڭ كونستيتۋتسييالىق قۇقىقتارى مەن بوستاندىقتارىن بۇزعانىن انىقتادى.
پروكۋرور سوتتالۋشىنى 25 تەۋلٸككە قاماۋعا الۋدى سۇراعان. ال ەر ادام كٸنەسٸن تولىق مويىنداپ, جاساعان ەرەكەتٸنە ٶكٸنەتٸنٸن ايتىپ, جەڭٸل جازا تاعايىنداۋدى ٶتٸنگەن.
جەبٸرلەنۋشٸ سوتتالۋشىنى كەشٸرمەيتٸنٸن مەلٸمدەپ, وعان قاتاڭ جازا قولدانۋدى سۇرادى. سوت ەر ادامنىڭ كٸنەسٸن تولىق مويىنداپ, ٶكٸنگەنٸن جەڭٸلدەتەتٸن مەن-جايلار رەتٸندە ەسكەردٸ. اۋىرلاتاتىن مەن-جايلار انىقتالعان جوق.
نەتيجەسٸندە ول قىلمىستىق كودەكستٸڭ 115-1-بابى بويىنشا كٸنەلٸ دەپ تانىلىپ, 100 ساعات قوعامدىق جۇمىسقا تارتىلدى.
ايتا كەتەيٸك, ستالكينگ ٷشٸن 200 ايلىق ەسەپتٸك كٶرسەتكٸشكە دەيٸن ايىپپۇل سالۋ, سول مٶلشەردە تٷزەۋ جۇمىستارىنا تارتۋ, 200 ساعاتقا دەيٸن قوعامدىق جۇمىسقا تارتۋ نەمەسە 50 تەۋلٸككە دەيٸن قاماۋعا الۋ جازاسى قاراستىرىلعان.
ٷكٸم زاڭدى كٷشٸنە ەنگەن جوق.
