تەمٸرتاۋدا قۇرىلتاي دەپۋتاتتارى ٷنزيلا شاپاق پەن ۆاديم باسين, مەملەكەتتٸك ورگانداردىڭ, قازاقستان حالىق كەڭەسٸنٸڭ جەنە قاراعاندى وبلىسىنىڭ قوعامدىق كەڭەسٸنٸڭ ٶكٸلدەرٸ مەتاللۋرگتەرمەن كەزدەستٸ. ساپار بارىسىندا دەلەگاتسييا Qarmet اق ٶندٸرٸس ورىندارىن ارالاپ, كەسٸپورىننىڭ جۇمىس بارىسىمەن تانىستى. بۇدان كەيٸن ٶتكەن كەزدەسۋدە مەملەكەت باسشىسى قاسىم-جومارت توقاەۆتىڭ جولداۋىندا بەلگٸلەنگەن مٸندەتتەر مەن باسىم باعىتتار سٶز بولدى. اتاپ ايتقاندا, ٶنەركەسٸپتٸ جاڭعىرتۋ, ەنەرگەتيكا مەن ينفراقۇرىلىمدى دامىتۋ, وتاندىق ٶندٸرٸستٸڭ ەلەۋەتٸن ارتتىرۋ مەسەلەلەرٸنە نازار اۋدارىلدى, دەپ حابارلايدى dalanews.kz.
جٷزدەسۋ بارىسىندا ٶندٸرٸس ورىندارىن تەحنولوگييالىق تۇرعىدان جاڭارتۋ جەنە مەملەكەت باسشىسى جارييالاعان «حالىقتىق قۇرىلىس» باعدارلاماسىنىڭ ماڭىزى دا كەڭٸنەن سٶز بولدى. ەلٸمٸزدٸڭ بارلىق ٶڭٸرٸن قامتيتىن بۇل باستاما قۇرىلىس سالاسىن جانداندىرىپ قانا قويماي, وتاندىق ٶنەركەسٸپتٸڭ دامۋىنا دا تىڭ سەرپٸن بەرۋگە باعىتتالعان.
مەتاللۋرگييا سالاسىندا مول تەجٸريبەسٸ بار قۇرىلتاي دەپۋتاتى ۆاديم باسين ٶنەركەسٸپتٸ دامىتۋعا قاتىستى مٸندەتتەردٸڭ ورىندالۋى ٶندٸرٸستٸ جاڭعىرتۋ مەن بٸلٸكتٸ ماماندار دايارلاۋعا تٸكەلەي بايلانىستى ەكەنٸن اتاپ ٶتتٸ.
"بٷگٸندە ٶنەركەسٸپ زامان تالابىنا ساي جاڭارىپ, وزىق تەحنولوگييالاردى يگەرٸپ, ٶندٸرٸس تيٸمدٸلٸگٸن ارتتىرۋى قاجەت. مەتاللۋرگييا كەسٸپورىندارى ٷشٸن بۇل – بەسەكەگە قابٸلەتتٸلٸكتٸ نىعايتۋدىڭ جەنە وتاندىق ٶندٸرٸستٸڭ بولاشاعىن قامتاماسىز ەتۋدٸڭ ماڭىزدى شارتى. ٶندٸرٸستٸك قۋاتتاردى جاڭارتۋمەن قاتار, زاماناۋي جابدىقتارمەن جۇمىس ٸستەي الاتىن, جاڭا تەحنولوگييالاردى جەتٸك مەڭگەرگەن بٸلٸكتٸ ماماندار دايارلاۋعا دا باسا مەن بەرۋ كەرەك", – دەدٸ ۆاديم باسين.
كەزدەسۋ سوڭىندا جولداۋدا ايقىندالعان باسىمدىقتاردى ٶندٸرٸس ورىندارىندا جٷزەگە اسىرۋ جولدارى, سونداي-اق مەتاللۋرگييا سالاسىنىڭ ەلەۋەتٸن ارتتىرۋ ٷشٸن الدا اتقارىلۋى تيٸس جۇمىستار جٶنٸندە پٸكٸر الماستى.
