Jetisý oblysynyń Tekeli qalasynda joldan ótip bara jatqan 11 jastaǵy qyz aýyr tehnikanyń astyna túsip, oqiǵa ornynda kóz jumdy. Qaiǵyly oqiǵaǵa qatysty qylmystyq is qozǵalyp, júrgizýshi ustaldy, dep habarlaidy dalanews.kz.
Jol apaty 3 qarashada bolǵan. Áleýmettik jelilerde oqiǵanyń beinejazbasy tarady.
Jetisý oblystyq Politsiia departamentiniń aldyn ala málimetinshe, Volvo markaly dóńgelekti ekskavatordyń júrgizýshisi jol qiylysynan ótip bara jatyp, jaiaý júrginshiler ótkelindegi balany qaǵyp ketken. Aýyr jaraqat alǵan qyz oqiǵa ornynda qaitys boldy.
Politsiia atalǵan derek boiynsha qylmystyq is qozǵalǵanyn rastady.
"Aldyn ala málimet boiynsha, Volvo markaly dóńgelekti ekskavatordyń júrgizýshisi jol qiylysynan ótý kezinde jaiaý júrginshiler ótkelimen ótip bara jatqan kámeletke tolmaǵan qyzdy qaǵyp ketken. Alǵan jaraqattarynan bala qaitys boldy. Júrgizýshi ustalyp, ýaqytsha ustaý izoliatoryna qamaldy", – dep habarlady politsiia.
Qazirgi ýaqytta tergeýshiler jol-kólik oqiǵasynyń barlyq mán-jaiyn anyqtap jatyr. Atap aitqanda, júrgizýshiniń jol qozǵalysy erejelerin saqtaǵan-saqtamaǵany jáne aýyr tehnikanyń jol qiylysynan qandai jaǵdaida ótkeni tekseriledi. Qylmystyq istiń tergelý barysy Jetisý oblystyq Politsiia departamenti basshylyǵynyń baqylaýynda.
