الماتى قالاسىندا جاڭا جىل مەرەكەسٸنە دايىندىق جۇمىستارى باستالدى. بيىل شاھار كٶشەلەرٸ مەن الاڭدارىن بەزەندٸرۋگە, مەرەكەلٸك شىرشا ورناتۋعا جەنە كونتسەرت ۇيىمداستىرۋعا بيۋدجەتتەن 512,3 ملن تەڭگە قاراستىرىلعان, دەپ حابارلايدى dalanews.kz.
مەرەكەنٸڭ باستى نىشاندارىنىڭ بٸرٸ اباي الاڭىنا قويىلادى. مۇندا بيٸكتٸگٸ كەمٸندە 13 مەتر بولاتىن ٷش دەڭگەيلٸ شىرشا ورناتۋ جوسپارلانىپ وتىر. بۇدان بٶلەك, الاڭعا تٷرلٸ مەرەكەلٸك ينستاللياتسييالار, سەندٸك كومپوزيتسييالار مەن جارىق اركا قويىلادى.
مەملەكەتتٸك ساتىپ الۋ پورتالىندا جارييالانعان مەلٸمەتتەرگە سەيكەس, بٶلٸنەتٸن قاراجات ٷش نەگٸزگٸ باعىتقا جۇمسالادى:
اباي الاڭىن مەرەكەلٸك بەزەندٸرۋگە – 288,7 ملن تەڭگە;
ٷش كٷندٸك كونتسەرت ۇيىمداستىرۋعا جەنە ساحنانى بەزەندٸرۋگە – 138,8 ملن تەڭگە;
قالا كٶشەلەرٸنە جارىق كرونشتەيندەرٸن ورناتۋعا – 84,8 ملن تەڭگە.
وسىلايشا, الماتىدا بيىلعى جاڭا جىل مەرەكەسٸنٸڭ بەزەندٸرٸلۋٸ مەن مەدەني باعدارلاماسىنا جارتى ميلليارد تەڭگەدەن استام قاراجات جۇمساۋ كٶزدەلگەن.
